إزيكم ياجماعة - عاملين ايه ( يارب تكونو عاملين كفته على الفحم ومعاها شوية سلطه حامية )

المهم أنا جيتلكم أقولكم شوية نكت على المشرفين ( ربنا يستر - شكلى كده برسم على طردى من المنتدى )

النكت حصريا على منتدى الا انا وده أول عرض ليها ( التذكرة بـ 25 جنيه )

أنا بس طالب منكم خدمه
لما انطرد من المنتدى تعملوا مسيرة ومظاهرة وتضغطو عليهم يرجعونى تانى


1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .

2 - مشرف شغال فى المرور كل مايشوف عربية مخالفة يديها تقييم سالب .

3 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبة

4 - مشرف زعلان من مراته عملها حظر

5 - مشرف عام غطسوه تانى (سورى عابر هى جت كده) انا عارفه اخرتها طرد

6 - مشرف خلف توأم إحتفظ بواحد والتانى حطه فى قاعة المكرر

7 - مشرف جاتله فاتورة التليفون كبيرة عملها تعديل

8 - زوجة مشرف نسيت تحط الملح فى الأكل حطلها تقييم سلبى

9 - مشرف زهق من مراته عملها ايقاف

10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى .. .

11 - مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل

12 - مشرف عنده حالة نفسية كل مايكتب موضوع يحذفه

13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة

15 - مشرف دخل قاعة المناقشات طلع منها بخمس غرز وإرتجاج فى المخ

16- مشرف دخل قاعة المرأة طلع منها بست اشهر

17 - مشرف دخل قاعة القضايا السياسية قبضوا عليه فى مظاهرة

18- مشرف إختلف مع المشرف عام نقلة مشرف على قاعة المواضيع المكررة

19 - مشرف عاوز يطرد عضو مميز من المنتدى حطله أحد مواضيعه حتتبن حشيش وبلغ عنه

20 - مشرف مردش على الموضوع ده اختفى فى ظروف غامضة .


كان معكم (العضو السابقه ) مريوم

ههههههههههههههه

مشكووور على الموضوع إن شاء الله المشرفين ما يزعلون منــكـ

ههههههههههههههه

مشكووورة على الموضوع إن شاء الله المشرفين ما يزعلون منــكـ

ميرسى ليك
و يارب دعوتك تتقبل
وميزعلوش
مشكور على مرورك

بإسم أعضاء ومشرفي المنتدى انت مطرووووووووووووووووووووود............
هههههههههههههههههههههههههههههههههههههههههههههههههه ههههههه
مش تصدق
مشكور أخي على النكت والله يبارك فيك

ميرسى جدا على الرد
يا بحار بس فى غلط صغير اوى
انك المفروض تقول مشكوره اختى
وشكلك كده هتشعلل الموضوع عليا
ماشى ماشى ليك يوم
ميرسى ليك مره تانيه

هههههههههههههههههه

حلوة

تسلمي اختي

تحياتي

مشكور فتى لبنان على المشاركه
واى خدمه

مشكوره دى دى على مرورك