•·.·°¯`·.·•*^بنـت نــجــد ^*•·.·°¯`·.·•
بنـت نجـد الزيـن فيهـا والدلـع مـابـه مثيـلـه
"
" الرزيـنـه والجمـيـلـه وافـيــه كـــل الخـصـايـل
بنـت نجـد وكنّهـا ورد القرنفـل فـي خميـلـه
"
" وردةٍ ماهـي ورود المزهـريـه فــي الخمـايـل
بنت نجد ليا مشت يطرق على ردفه جديله
"
" كنّـه الليـل ليـا فلّـت فـوق الامـتـان الجـدايـل
بنت نجد ليا حكت كن الشهد مدرج مسيله
"
" والشفايف جمرتين وهمسها يشفي العلايل
بنـت نجـد عيونهـا حـرّ علـى راس الطويـلـه
"
" عيـن حـرٍ فـوق رجـمـه مـاحـد للـحـر طـايـل
بنـت نجـد برمشهـا لاسلهمـت والله قتيـلـه
"
" تذبح اللـي شافهـا ماقلـت انـا عنـدي دلايـل
بنت نجد وثوبها يخجل من الجسم ويشيلـه
"
" يستحي كنّه يقول اخشى على زين الدلايل
بنـت نجـد وطبعهـا يحكـي لنـا مليـون ليـلـه
"
" كـنّـه مـألـف كـتـاب لـشـهـرزاد ام الجـمـايـل
بنت نجد محشمه لا هـي قصيـر ولا طويلـه
"
" زين مع عفّه وطهر وزود مـن نسـل الحمايـل
بنت نجد وحظ منهـو صـارت لشوفـه حليلـه
"
" اشهد انه اسعد العالم عسـف زيـن الاصايـل
بنت نجد احلى البنـات بكـل مافيهـا جميلـه
"
" لـو تـدوّر فـي البـلاد ولـو تـدوّر فـي القباايـل
بنت نجد حروف شعري يـوم اوصّفهـا قليلـه
"
" ماوفيت بحقّها في الوصف مار ابدي الحصايل
بنت نجد وبنت نجد وبنت نجد انتـي اصيلـه
"
" قلتهـا يـوم ان قلبـي مـع بنـيّـت نـجـد مـايـل
>>><<<
مع تحيات قبــــــــ الجروح ـــــــــر
09-23-2005, 08:13 PM
•·.·°¯`·.·•*^بنـت نــجــد ^*•·.·°¯`·.·•
العرض العادي
