سبع ساعـات ... أسولـف وأتكلـم وأستخـف دمـي
وهي تسمعني وتضحـك ومبسوطـه علـى الآخـر
سبع ساعات أعلمهـا .. عـن أحزانـي وعـن همـي
وأسولف عن حكاية طفل كـان وصـار هالشاعـر
سبع ساعات .. تتساقط حـروف الصـدق مـن فمـي
على صحـرا مسامعهـا .. سحـاب العشـق متناثـر
سبع ساعات .. وتحلف لـي بـراس العشـق وتسمـي
تقول أنت الوحيـد اللـي ملكنـي حبـك الساحـر
سبع ساعات .. ونادتنـي بأسمـه ماهـو بأسمـي
تناديني ( فهد ) وأسمـي أنـا يـا للأسـف جابـر
تشنـج .. كـل شـي ٍ كـان حولـي ومسمعـي يدمـي
ركز خنجر ( فهد ) في مسمعي مـن صوتهـا الخـادر
تخـدر .. فكـري وجسمـي وذاب أبداخلـي عظـمـي
وصرت أسمع صدى صوت ٍ يردد غلطة الشاطـر
يـردد غلطـة الشاطـر بعشـره واقعـي وحلمـي
وتـرددهـا زوايــا غرفـتـي والـواقـع الـغـادر
كثير أصوات شقـت جلـدي اللـي يحتضـن لحمـي
صـراخ البـاب والـدولاب والشبـاك والساتـر
وونـات القلـم والدفـتـر الـلـي يلتـفـت يـمـي
وخايف وش أبي أكتب بوسطه مـن هنـا لباكـر
وكانت ساكته وصوت النفس من خشمها وخشمـي
ربع ساعه وببحت صوت قالت خير وش صاير
وطرى في بالي ... عبـدالله وخالـد وأحمـد ونشمـي
وإلى أخرهم .. ( وفهد ) .. تسعه وأنا مدموغها العاشر
وقلت أبدن ماغير الخيـر .. ولكـن أمسحـي رقمـي
أكيد أنه ( فهد ) .. جالس سبع ساعات وهـو ناطـر
وقالـت لـي : رجـاءًا أو أقولـك طيـر ياعـمـي
مسوي حضرتك فـي هالزمـان العاشـق الطاهـر
وقالت لي : أقول .. وقلت أنـا بقـول وذا علمـي
عجب للناس وش هالنـاس تخطـي وبالخطـا تكابـر
أنـا يابنـت بنثـر لـك حياتـي وأجمعـي ولمـي
بعضها بنثـره فـي مسمعـك هالحيـن ومـن خاطـر
ترى عمري أنا تسعـه وعشريـن وكـذا رسمـي
ولكـن عشـت أيـامـي دبلـهـا مقـبـل وعـابـر
أصيـل وكـل أصيـل ٍ مايـبـي مـدحـي ولا ذمــي
وسبع أنعـام فـي هالنـاس أخـص الحامـد الشاكـر
أنا من نجد .. وربعي هـم عتيبـه وخالـي الدحمـي
وبرقا لحمي ودمـي وأنـا مـن روق ومـع ناصـر
أنـا جابـر ولـد هايـف وسلـم الطيـب هـو سلمـي
أبـوي اللـي مربينـي علـى الجـزلات وأتفاخـر
وأنـا راعـي مجاهيـم ٍ يـشـع بفخـذهـا وسـمـي
وراعي خيل وراعي بيـر .. وبيـت ٍ مبغضـه كافـر
على الرمضا حفت رجلي بأرض ٍ عاشقـه ضمـي
وشمس ٍ تشرق وتوقف علـى راسـي وأنـا صابـر
عرق وجهـي يصـبّ وأمسحـه بشماغـي وكمـي
وألّد عيوني عـن نـاس ٍ سرقنـي يمهـا الناظـر
وأنا شاعر ولو أكتب عجـز كـل فكـر فـي نظمـي
ولانـي بالغـرور أحكـي ولكـن واثـق وقــادر
وأنـا رجـال هـاوي للقمـم ويقودنـي عـزمـي
وأبي أرقا علـى راس الجبـل وأنتـي مـع الحـادر
عرفتـي ليـه أنـا طاهـر لأنـك همـي وغـمـي
ولأن الدنيـا فـي عينـي جبـل نـرقـاه ونغـامـر
يابنت النـاس شفتـي كيـف بليـا سـلاح مانرمـي
ولانوقـف بـوجـه البـنـدق الملـيـان ونخـاطـر
خلقنا الله بشـر بعقـول .. وذا واقـع وذا وهمـي
وكـل ٍ يتبـع مــراده وفيـنـا رابــح وخـاسـر
وقالت لـي فمـان الله .. شعلـت النـار فـي جسمـي
فمـان الله يالطـاهـر .. ومثـلـك قـلـه ونــادر
ورحـت آخـذ كتـاب الله وأحلـف بالكتـاب أمــي
لو أن أسمي ( فهد ) .. بالله ماكان أحلا من ( جابر ) .؟
" لـلـشـاعـر جــابــر هــايــف "
سـبـع سـاعـات
العرض العادي
