لــ آخــر لحظـهـ .. من عمري .. أقولكـ (( أنت مـحبوبي ))

**جووووري** · 07-02-2008, 01:08 PM

لاخرلحظة من عمري اقولك أنت " محبوبي "
وحبك في دمي يجري وطيفك نور في دروبي

يالــيــت العمر يتوقف على حالة هناا جنبك
نعيش فيهاا ولانخفف من الشوق الى مايوصف

ونتهادى ورود الحب ونروي فيهاا نشوة حب
واقولكـ [[ انت محبوبي ]]

تغنى أبونورهـ بها الكلمات لمحبينهـ .. وعبرّ لهم قدام كل الناس .. عن حبهـ ,,

وجمهورهـ أهدوا أجمل أغانيهـ .. لـ أحبابهم

اليوم ودي أتكلم عن بعض الناس اللي يواجهون مشكله في التعبير عن حبهم للآخرين ..
انا شخصيآ . . أكره هذي الصفه جدآآآآآ ..

على إنها فيني وبشكل يرفع الضغط ..

مافي شخص يقدر يعيش بدون حب ..
ومو شرط ان الحب يقتصر على حبيب واحد او شريك حياهـ ...
كل شخص تتأثربه هو حبيبكـ .. ..

من ينخلق الانسان وهو كل يوم يشوف اجناس واشكال من الناس ..
بدايةً من الأم و العائله .. الى الاصداقاء .. و .. و .. الخ ..

يضحك معهم .. يبكي عشانهم .. ينشغل باله عليهم .. كل هذا بس لإنهـ فعلآ " يحبهم "

واللي يحب لازم يحاول قد مايقدر يعبّـر عن حبـهـ ...
لإن الانسان بطبعهـ يحب يسمع الكلمه الحلوهـ اللي يكون أثرهـا إيجابي على نفسيته ..

مافي واحد بها العالم ماقد سمع كلمة حب او كلمه طيبه ما أثرت فيه ..
كلمات بسيطه من " معلم " مُحب .. إستطاع أن يجعل محمد من طالب فاشل .. الى طالب مثالي ...

كلمات بسيطه من" إمام مسجد " يطبق سنة الرسول صلى الله عليه وسلم .. جعلت خالد من شاب طائش .. الى شاب ملتزم .. وجهه يسر من نظر إليهـ ..

كلمات بسيطه من " زوج " يرفق بالقوارير جعلت زوجتهـ تحفظ عرضه وماله وبيته في غيابهـ ..

كلمات بسيطه من " أب " أستوصى في بناتهـ الست خيرآ .. جعلتهم يقولون بكل صدق أن كل فتاهـ بأبيها معجبه ,,

كل شخص الحين قاعد يقراء الموضوع أتمنى إنهـ يسترجع أحلى كلمه سمعها من أحبابهـ ...

وشوف قد إيش انت تنبسط لما تتذكرها .. !!
طيب .. ماودكـ يصير نفس الشعور الحلو اللي انت حسيت فيهـ .. ؟!
لـ أعز ناسكـ .. { أمك، أبوكـ , اخوانكـ , زوجكـ او زوجتكـ .. , خطيبكـ . خطيبتكـ , أصدقاءكـ ..معلمك، ... }

نادر نسمع اللي يقول كلمة أحبكـ يايمه ولا احبكـ يايبه فجآهـ وبدون مقدمات ..
ويمكن تكون صعبه بالبدايهـ بس أكيد لها طعم ثااااني ..

يعني وش يستفيد الواحد لما يصير في أحبابهـ شي لا سمح الله .. وهو ماعبّر عن حبه لهم ..
أتوقع متصورين الندم اللي راح يصيبهـ وقتها ..

وبصراحهـ بيني وبينكم أكيد صعبه نقولها كذا في الوجهـ ..

بس الحين الحمدالله التكنولوجيا ماقصرت ...
تقدر ترسل مسج , إيميل , اي شي بس يكون من تعبيركـ انت ..

واذكر فيها مواقفه معكـ عشان يعرف اللي انت تحبه انها من بوحكـ الخاص ..

جرب تكتب موضوع عن أعز انسان في حياتكـ واكتب كل شي حبيته فيهـ .. وإعتذر له اذا في ضايقته ..
وأرسل الرابط له .. حتى لوكان شخص مايدخل النت إطبع لهـ الموضوع وخلها بغرفتهـ ...
و شوف ردة فعله بعدها ؟!

أشياء بسيطهـ .. ليش نستخسرها في أغلى الناس ..

لا تخلون جرأتكم تخذلكم ... وش فايدة الحب بدون تعبير ... .؟!

طولت عليكم ... وأتمنى يعجبكم موضوعي ..

ختامــآ ...

" إيهـ .. أحبكـ .. والغلا .. يسري بــدمي " ..

مما قرأت واعجبنيـــــــ

اختكمــ

جـــــ وري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خواطــر آخــر الليــل،،،	ريناد	وجدانيات و خواطر	5	11-27-2007 07:14 AM
ما عمري نسيتك	ريناد	وجدانيات و خواطر	0	11-21-2007 10:24 AM
جرح عمرى	سعيد باتمان	شعر و شعراء - الشعر و الشعراء منتدى للقصيد و القصائد النبطي و الفصيح البوح	3	10-20-2007 08:38 AM
الخامات وطريقة أستخدمها بشكل آخــر [ تطبيقي ] الدرس التاسع	الـقـيـصـر	دورة الفوتوشوب	46	07-08-2007 12:02 PM
ثمن عمري	lazy girl	وجدانيات و خواطر	4	08-10-2006 12:36 PM