كتبت الشـــعــر مــو لجلـك ولكـن فـاض بـي بركــان
وامـــا انت فلا تســـوى قــصــيده فـي نظــر عــيني
حـلـفـت لـي تـبـقـالـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلـتنـي
كسر رمح الزمـــــن صدري وجيتك اشتكي حيـران
نزعت الرمـــــح من صدري وفي ظهري طعـنتنـي
خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتنـي
سنـــــــه مـن عمـــــــري وانـا فـي لعبتـك غرقـان
أشيل الـــــشــوك من دربك وجرحـي كـان يدمينـي
وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبكينـي
عرفتك للآسف صحـــــــراء وحولتـك إلـى بستـان
وشلتني غصن أخضـــــر وفي صخرك زرعتنـي
حفرتك داخلي وظني تصون عشرتـــــــي أزمـان
وكنت أحفر قبر موتيــــــــ علـى ساحـل شرايينـي
على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي
ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك...توك مـا عرفتنــــي
انا مو عادتي اشحذ من أمثالك رضــــــا وإحسـان
امـــــــــــوت بـــعــــزتـي ارحـم ولا ذلــك يغطيـنـي
وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي
ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي
ولو دار الزمــــــن ضدك وجيتـني تطلب الغفـران
وجبتلي الشمــــــــس فـي كفـك لعندي..مـا بتلقانـي
تقول الناس في وصفك:جميل مثل عـود البــــان
وإنك أجمل وأحلى بشـــــــــر مخلـوق مـن طينـي
وإنك غـــالــــي وأثمـن مـن الياقـوت والمرجـان
تقوم أكوان مـن أجلـك وتقعـد لـك بلا دينـــــــــي
حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعني
إذا كنت بنظر غيري مـــــلاك على هيئـة إنسـان
قسم بالله ما تسوى شعـــــــره مـن رمـش عينـي
م
ن
ق
و
ل
05-08-2008, 04:55 PM
قصيده تهز الوجدان !!
المواضيع المتشابهه
العرض العادي
