احدث الطرق لرفع ضغط المشرفين
--------------------------------------------------------------------------------
شحالكم شباب و بنات ؟؟؟ هذي احدث ماتوصلت اليه التقنية من رفع لضغط المشرفين
لرفع ضغط المشرفين
1) أدخــل اي منتدى واكتب أي موضــوع ويكون
الموضوع في وادي والمنتدى في وادي,, مثال
اكتب موضوع رياضي في منتدى اغاني عبادي
ويفضــل لو تكتـب عليه (( ارجــوا التثبيـت )) يكون لها طعم احسن ,,
2) خـذ لك موضـوع توه جـديد من أي منتدى انسخـه واكتبـه بإسمك مره ثانيه في نفس المنتدى
ويفضــل تكتب عليـه ((( فكــره جديــده )))
اهنيه المشــرف يـدوخ مايدري وين المكـرر عشــان يحــذفه
3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم ،، ) إذا ماعطوك وجه صدقني اذا ماقالوا لك اقلب ويهك اضمن لك بيرقونك إلى (عضـو غثــه)
4) اكتب موضوع في منتدى الشكـاوي والإقتراحــات (( الفزعــه ياشباب )) طبعـا بيجيك المشرف طاير ،،
واكتب في الموضوع (( واحــد صفــر )) ويمها صـوره واحــد يضحــك
في هـذي اضمــن لك البــوز يجي على خشـتك وانت توك تكتب الموضوع
5) شكّك في أي موضوع يـطرح في المنتدى في كل موضوع قل (( كأني شايفه في منتدى ثاني))
خلي العالم تــفهم أنه مسروق
6) ادخل على أي موضوع مثبت وأكتب عليه للرفع
في هـذي احسن لك تطلع بكرامتك قبل مايقتلونك بالقسم :
7) حاول ترد على المواضيع القديــــــمه طلع الغبار >> واليديده خلها تنزل .
جذي تقلب القسم فوق تحت
8) شوف لك مشرف أو مشرفه وتلزق فيه كل يوم إرسله رسائل خاصه تقـول له شرايك في ذاك الموضــوع احـس انه ماصــل احذفه تكفى ولا ذاك الموضـوع رهيـب ثبته تكفى ,,
هنا المشـرف يكره اليوم اللي خلـوه فيه مشــرف
9) دقق في إملاءات المشرفين ورد عليهم فقط لتصحيح الإملاء ولا تجيب طاري الموضوع
وياريت تكبر في خط بدليه المشرف يكون احسن
10) عند تعيين أي مشرف جـديد أبدا تكلم عن الواسطة وأنه ما يستاهل ولمح أن الإدارة ما عندها سالفة ,,
تراها مجربة 100% بس مو في المنتدى الحلو هذا هههه
03-13-2008, 02:47 PM
ممنوع دخول المشرفين بس الاعضاء ^_^
المواضيع المتشابهه
العرض العادي
