حواااااااااار حلو يضحك بين (البيبسي، الميرندا، الفراولة(شاني).. - منتديات عالم الا أنا - جوال برامج العاب رسائل ثيمات فلاش ازياء صور افلام تفسير احلام حواء الحياة الزوجية نكت سيارات

**سعيد باتمان** · 02-29-2008, 08:54 PM

حواااااااااار حلو يضحك بين (البيبسي، الميرندا، الفراولة(شاني)..

تفضلوا اخليكم مع الحوار الساخن :

الموقع : ثلاجة في دكان نوشاد

الوقت : 12 الا ربع بالليل

البيبسي : ميرندا ... قاعدة والا نايمة

ميرندا : هلا .. لالا قاعدة .. ليش تو الناس باقي ربع ساعة وبيسكر الهندي هالأنوار وبعدها بنام

البيبسي : هل لي بحوار جانبي معك

ميرندا : ايييييه عادي اشدعوة ..

البيبسي : ماهي نوعية الحوارات.. أقصد اللي تحبينها ..

ميرندا : ماعندي شي معين بعدين انت ناوي تطول بالكلام ؟

تبيني اعتذر من ابوي وانام برا الصندوق

( صندوق الميرندا)

البيبسي ( فرحان ) : اييييه كلامي مايخلص ولا باجر .... انا اصلا كانوا يقولون عني راعي طويلة.

ميرندا : تدري عاد أسلوبك وطرحك حلو بس أبوي يقول لا تمشون مع السود !!

البيبسي : ليش ترا والله ما نعض... أليفين بالحيل ..

ميرندا : بس تصدق انا معجبة بسوادك كأنه سواد ليلة مافيها قمرا,,,

سواد كالح جنه فحمة من جيس هالفحم اللي في المستودع تحت ... انا معجبة فيك بصراحة ..

البيبسي : يؤ..يؤ..يؤ .. احرجتيني .. أمي والله صادقة

ميرندا : ليش شنو قالت أمك؟ ...

البيبسي : أمي تقول إن الميرندا أحلى من الفراولة ... ماتدلعين مثل الفراولة

ميرندا : ياحظي .. قال فراولة قال ... وش يخليني اتدلع

البيبسي : لا يعني لون الفراولة .. احلى من لونك

(الريال بدا يخور ) لونها احمر يشق الجبهة ..
ميرندا : نعم نعم نعم .... عيد بالله شنو قلت ... انا شفيه لوني

البيبسي : لا والله مو قصدي بس لونج جنه لون هالهندي اللي بالدكان اذا صار محصور ... برتقالي

ميرندا : والله حبيبي اذا مو عاجبك ... خلني اروح لصندوقنا بس ...

البيبسي : يؤ ..يؤ..يؤ... يالزعولة ليش زعلتي عاد من كلامي ..

(وفي هاللحظة فتح الهندي الثلاجة وحط فيها فراولة)

البيبسي : هلا والله وغلا بالفراولة ... يوووووووه يازينها زيناااااه .... تو مانورت الثلاجة ..

ميرندا : هااااوو والله شي ... وقدامي تغزل فيها وانا من الصبح معك يالعبد الاسود يالمحترق ..

فراولة : ههههههههههههه ... شفيها هذي معصبة جنها طقاقة ما نقطوها بحفلة زواج ها ها ها ها.

البيبسي : لالا ماعليج منها أنت بس قولي لي شنو هالحلاوة وش هاللون الحلو ..

ميرندا : اقول يالدبا يالحمرا ء اللي لونك ماله داعي ..... كنه روج ملخبط هههههههههه..

فراولة : هئق ... هئق ( تشهق ) يالغيرانة يالبرتقالية روحي بس ما احد شراك

صارلج اسبوع اهني مزروعة محد يبيج ..

ميرندا : والله ... ياشيخة تعالي دغدغيني احسن

البيبسي : ياجماعة كل وحده فيكم لها مميزات ولها صفات مستقلة خلونا بس في المفيد

وفي هاللحظة قاربت الساعة على 12 بالليل وجا زبون وخذ معاه البيبسي والميرندا والفراولة بكيس واحد بيوديهم معاه للبيت..

( وهذا الحوار اللي بالكيس )

البيبسي : هذي الساعة المباركة يوم صرنا بكيس واحد متقاربين..

ميرندا : اقول وراك مقرب للفراولة خلها تتنفس طيب حاشرها ( بدت الغيرة )

فراولة : يؤ ... من سألك انتي الثانية بعد وش عليك!! خليك بحالك!!

بيبسي : لاتحرجوني !! انا اخجل من ظلي !!

يؤ..يؤ..يؤ....وخري ياميرندا شوي

ميرندا : هذا بعد الهندي ماحطنا بكيس كبير ... حشرنا بهالكيس هالبخيل..

في هاللحظة أخذ الزبون الفراولة وفتحها

وشربها وما بقي بالكيس الا البيبسي والميرندا !!

البيبسي : الحمد لله كانت مضايقتنا الفراولة !!

( منافق وماله خاتمة البيبسي )

ميرندا : يؤ ... توني صرت غالية عندك .!! اقلب وجهك بس يالعبد مالك خاتمة

البيبسي :آه ... ضاعت على الفراولة والحين ضاعت الميرندا .... وش سويت انا ووجهي ..

ميرندا : اذلف بس ووخر عني ولا عاد تكلمني !!

البيبسي : آه .... والله احتريت

( ارتفعت درجة حرارته )

ميرندا : ايه عارفه من يوم راحت عنك الفراولة وانت متجه علي وتعبتني وكسرت قلبي ..

البيبسي : اييييييييه والله مريضة .... لا أكون انا السبب

وفي هذه الاثناء اصبحت حرارة الميرندا مرتفعة وانشد البيبسي بهذه

القصيدة يصف حال الميرندا موجه كلامه للزبون اللي خذ الميرندا وفتحها وشرب منها جزء بسيط وألقى بها في سلة المهملات لأن حرارتها مرتفعة ( ساخنة )
وبكى البيبسي في هذه الاثناء وقال :

قالوا حبيبك محموم فقلت لهم .... انا الذي كنت في حمائه السبب

عانقته ولهيب النار في كبدي ... فأثرت فيه تـــلك النار فالتـهب

ان شاء الله تعجبكم ...

ملطووووشِ

**lonly heart** · 02-29-2008, 11:14 PM

ههههههههههههههههههههه
حديث حلو
يسلمو حلوه

**شاعر دبي** · 03-01-2008, 07:45 PM

هههههههههههههههه

يلا بس ما شفنا الفانتا و الديو هههههههههه

مشكووور

**@sweet girl@** · 03-01-2008, 08:02 PM

هههههه حلوة يسلمووو

**سر الجاذبية** · 03-01-2008, 08:08 PM

هههههههههههههههههههههههههههههههههه
ههههههههههههههههههه
هههههههههههههه
ههههههه
ههه
هه
رووووووووووعة يسلموووووووو على الحوااااااااااار الروووووووووعة

تقبل مرووري
جذووووبة

خيارات الموضوع	ابحث بهذا الموضوع
عرض نسخة للطّباعة ارسل هذه الصفحة لصديق	ابحث بهذا الموضوع: بحث متقدم
طريقة العرض
النمط المتتابع التحول إلى النمط التشعبي التحول إلى النمط الأُحادي

مواضيع مشابهة
الموضوع	الكاتب	القسم	مشاركة	آخر مشاركة
حلو الفراولة	القلب المعذب	منتدى فنون الطبخ - المطبخ الاكل الطبخ اكلات و اطعمة عربية غربية شرقية	7	02-12-2008 08:40 PM
حوار رومنسي بين البيبسي و الميرندا	ريناد	ضحكتك بالدنيا ترفية ضحك دعابة لعب تعليق فرفشة تماسيح سحالي	7	11-29-2007 11:26 PM
العثمليّة بالقشدة مع الفراولة	ملكة الطوفان	منتدى فنون الطبخ - المطبخ الاكل الطبخ اكلات و اطعمة عربية غربية شرقية	1	10-19-2007 09:03 PM
كريما الفراولة مع اللوز المقرمش	ملكة الطوفان	منتدى فنون الطبخ - المطبخ الاكل الطبخ اكلات و اطعمة عربية غربية شرقية	1	10-08-2007 09:31 AM
مربى الفراولة	أم ناجي	منتدى فنون الطبخ - المطبخ الاكل الطبخ اكلات و اطعمة عربية غربية شرقية	1	08-03-2007 11:35 AM