عيني بعينك وعينك رايحـه عنـي
قل لي على وين تنظر يا نظر عيني
هات الصراحه ولا بالكذب تخدعني
مقوى عذاب الهواء مابـي يكفينـي
كانك تناظـر لغيـري لاتوللعنـي
رح لك مع من تناظر لا تراعينـي
ونكان مشغول بالك هـات سمَّعنـي
عطني همومك وخلك سارحً فينـي
قلبي رهيف المشاعر لا تجرَّعنـي
كاس المحبه وترحل مـا تداوينـي
انسان حسَّاس انا ماشي يروُعنـي
غير النظر في عيونك حيل يشقيني
لاسلهمـن كالخناجـر باتقطَّعـنـي
وان ارمشن مثل طعنات السكاكيني
قالت عيونـك ونظراتـك تلوعنـي
لوع الحمامه تلوع بطيـر شاهينـي
ترقاء ليا من رقاء وان هد متعنَّـي
تنزل بمنزال صفقـات الجناحينـي
ارجاك ثق يا حبيبي لا تووجعنـي
حبك بقلبي ويجري فـي شرايينـي
يا فارس احلام عمري يا مدلعنـي
صدًّقني انك امل دنيـاي وسنينـي
حتى بلحلام وطيافـك تضاجعنـي
وبغيبتك ما سواء شعـرك يسلينـي
يامنبع الشعـر بالاشعـار متَّعنـي
ممكن من الشعر لو حرفين تعنينـي
قلت انت تامر ولو شعري يطاوعني
صغتك حروف القصايد والعناوينـي
لكن هواجيس شعري ما تشجعنـي
اخاف تنَّقص بحقك وانـت مغلينـي
اخاف ابعثرك بحروفـي وتدفعنـي
احجب قصيدي عن انظار المحبيني
وتقول بعثرتني لو تسمح اجمعنـي
ونا على الجمع مـا حيلـه بيدينـي
ما دام كلـك قصايـد لا توزَّعنـي
يا باشة الغيـد يـا ورد البساتينـي
خدك قصيده وطرفك يوم طالعنـي
خفت القوافي تخللص قبل تروينـي
ازرعك بالعين نظره وانت تزرعني
على شفايفك بسمـه بيـن لثنينـي
لاذعذعت نسمة الغربي تذعذعنـي
وان مر طيفك على بالي يسرينـي
لا جا ونا في فراش النوم يرفعنـي
واسري مع الفكر والهاجس مخاويني
قبل ان اوادعك قبل انك توادعنـي
على امل نلتقي يـا كامـل الزيَّنـي
يمَّك ظروفي ابد ما كـان تمنعنـي
دام الوفاء والمحبـه بينـك وبينـي

وين الردود

اخي سعيد