صور فيديو العاب

سعيد باتمان · 02-15-2008, 06:10 PM

فاكرة لمّا اتغيرت ، بينّا المعاني والسطور

فاكرة لمّا اتبدّلت ، أحلامنا في لحظة غرور

فاكرة لمّا ضاعت الـبسمة الجميلة والسرور

فاكرة لمّا اتكشّفت كل الحقايق والأمور

* * *

لمّا شوفت ف لحظة جوّاكي الحقيقة كدبة راقده
والحقيقة تجرّ ويّا ها الحقيقة وانت صامده
زي عقد اتفرطت حبّاته واحدة بعد واحده
هي دي لحظة خروجك من حياتي شر طرده

* * *

لعبت الصدفة البريئه دور في إظهار الحقيقه
لما شوفتك مرّة دايبه جوا أحلامك غريقه
لمّا حسيت من كلامك لهفة الشوق الجريئه
لمّا لاحت من عينيكي نظرة الحب الدنيئه

* * *

فجأة حسيت بالدمار والانهيار دمّر حياتي
صدمة جامدة اتحطمت فيـها أمالي وأمنياتي
ماتت الدنيا الجميلَةْ فْ قلبي تاهت ذكرياتي
تحت جدران الحقيقة اتكسرت جوّايا ذاتي

* * *

سكنت الضلمة الكئيبه فْ قلب مليان بالجراحْ
تاهت الخطوة الجريئه فْ سكة الوهم اللي راحْ
سكّتي همّ وكآبه ليل ما يطلعه صباحْ
والغريبة انك يا ظالمه جايّه تتمني السماحْ

* * *

انت فاكرة اني صحيح مُمْـ كِنْ أسامحك ع اللي كانْ
أو أسامحك ع الخيانه بعد ما إديتِكْ أمانْ
ولاّ ممكن أنسى غدركْ وأنسى تجريح الزمان
واكتشافي للـحقيـقه بعد ما فات الأوان

* * *

لا يا خاينة ما تحلميش مش هاتضعفني هزيمتِكْ
مش هايئلمني عذابكْ مش هاتغريني ابتسامتكْ
لا ولا يشد انتباهي كلمتك أوحتى صمتِكْ
ضاعت الرحمة اللي عندي والسبب ذكرى خيانتِكْ

سعيد باتمان · 07-13-2008, 06:43 PM

وين الردود

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذكرى حبيب	القلب المعذب	وجدانيات و خواطر	8	12-25-2007 07:46 PM
ذكرى ..!!!	عطرالزهر	طريق الأسلام	1	10-04-2007 03:09 AM
في ذكرى النكبة	الملكة مها	سوالف وحوارات عامة من حياتنا	0	07-23-2007 03:30 PM
ذكرى عابرة ..	قطرة ندى	وجدانيات و خواطر	6	10-07-2006 06:41 PM
ذكرى تحويل القبلة ..............!!!!!!!!	AHMED_WASEFY	طريق الأسلام	5	09-23-2006 12:45 AM

صور فيديو العاب

ذكرى خيانتك