برامج - العاب فلاش - رسائل - منتديات

**moody2007** · 02-13-2008, 07:36 PM

ღ♥♥♥ღ تـ,ـحـ,ـقـ,ـيــ,ـــق كــــ,ــامــ,ــل عــ,ــن ال ღ♥♥♥ღ valantine

من خلال بعض الأسئلة والاستجوابات وكل ما هو آت، أخبرتنا "............." عن ملاحظاتها بخصوص يوم الفالنتين المشهود حيث تقول:
فيه ناس بتعتبره مناسبة سعيدة، وناس بتعتبره تقليعة والاحتفال بيه حرام، وناس تانية لا كده ولا كده وبتعتبره عادي.. لا هو كويس ولا هو وحش، وزيه زي أي يوم تاني.. فتعالوا بصوا وطلوا معانا على الآراء المختلفة وعرفنا رأيك إيه في يوم الحب.

إيه العبط ده؟!!

باستنكار واستغراب شديد جدا بصت لي "منار" (20 سنة) وقالت لي إيه العبط ده؟ ولما سألتها باستغراب أشد.. عبط؟!!

قالت لي أيوه كل بنت في اليوم ده تمسك لي دبدوب ولا قطة وفي رقبتها قلب أحمر وتقولي بحب، والحب مش كده خالص فالحب مالهوش عيد، مش ألاقي كل بنت كل حياتها بقت حمرا والزهق ده، لكن الحب أصلا مش كده فالحب أعمق من كده بكتير، ومش بس هدايا ولعب وخلاص.

ثم هو أصلا عيد مش بتاعنا ومش مننا... وأنا مش بارفضه بس علشان كده، لأن عيد الأم مثلا عيد غربي برضه، لكن مابيحصلش فيه حاجات خارجة عن تقالدينا، فعيد الحب ده ممكن يكون مناسبة للتعبير عن المشاعر لكن بطريقة تحافظ على عاداتنا وتقالدينا، وأنا بالنسبة لي بقضي الفالنتين في البيت زي أي يوم عادي لأني لسه ماحبتش ومتهيألي حتى لو بحب مش ممكن هاقضيه بالطريقة اللي باسمع عنها وباشوفها مع معظم الناس فالحب بالنسبة لي أنبل من كده بكتير.

تلاكيك

أما "علا" (19 سنة) فقالت لي: هو كويس، وفرصة إن الواحد يعبر عن مشاعره، وده حتى بين الأصحاب فهو بيعتبر (تلكيكة) للتعبير عن المشاعر، وده طبعا حاجة غير اللي بتكون بين الـ(couples) اللي بصراحة ممكن يعبروا بطريقة مش حلوة عن مشاعرهم.

وأنا في اليوم ده بحب أتفرج على الناس وعلى الشوارع؛ فالدنيا كلها بتكون حمرا وباحس إن الناس كلها بتحب بعض، فهو ممكن يكون فرصة إننا نكلم ناس زعلانين منهم، فالاحتفال بالعيد ده مش مفروض يقتصر على الولد والبنت اللي بيحبوا بعض بس لكن يكون الاحتفال بيه بين كل الناس علشان يكون عيد بجد مش مجرد تقاليع.

ليه الدوشة دي

ولما سألت "سامح" (17 سنة) عن رأيه في الـ(valentine day) بص لي قوي وماقالش حاجة لدرجة إني افتكرت إنه مايعرفش يعني إيه (valentine) فترجمتها بالعربي وقلت له يعني يوم الحب، فقال لي أيوه أنا فاهم بس أصل أنا مش عارف أقول إيه.. هم الناس ليه عاملين دوشة على اليوم ده؟ هو بيكون يوم كويس وزيه زي أي يوم تاني، واللي عايز يحتفل بيه يحتفل، واللي مش عايز هو حر، وأنا بالنسبة لي باقضيه في البيت.. عادي يعني مش فارق معايا كتير زيه زي أي يوم تاني، لكن متهيألي لو حبيت ممكن يختلف شوية.. يعني على الأقل ساعتها هاتّصل بحبيبتي وأقول ليها كل سنة وهي طيبة وحاجات زي كده يعني.. لكن هو يوم حلو.

مناسبة حلوة

وبالنسبة لـ"هايدي" (18 سنة) فالفالنتين مناسبة حلوة جدا (وخصوصا بعد لما اتخطبت) فهي بتخرج فيه مع خطيبها وبتقدم له هدية وبتستنى هديته بفارغ الصبر وقالت ده يمكن يجرالي حاجة لو ماجبتش الهدية في اليوم ده.

وبصراحة حتى قبل ما اتخطب برضه كان بالنسبة لي مناسبة حلوة وكنت باجيب ورد لأصحابي، وكنا بنخرج مع بعض ونتفسح فيه ونتفرج على الناس وعلى الشوارع؛ لإن شكلها بيكون حلو قوي وجديد ومختلف عن طول السنة، وأنا مش مع الناس اللي بتهاجم الاحتفال باليوم ده؛ لأنه مناسبة زي أي مناسبة بتمر بينا وبنحتفل بيها فالواحد مابيصدق حاجة مختلفة يتبسط فيها ويحتفل بيها.

مين عارف

أما "إسلام" (17سنة) فأول ما سألته: إيه رأيك في يوم الحب؟ افتكرني باهزر أو افتكر إنه ماسمعش صح وقال لي: في اليوم ده بصراحة باقعد أضحك على الناس اللي ماسكة هدايا حمرا وباقول دي ناس فاضية وبيتلككوا وخلاص، وأنا يمكن باقول كده علشان لسه ماحبتش ويمكن لما أحب أغير رأيي وأعمل زي الناس دي ما بتعمل وأشتري برضه هدايا لونها أحمر وأحب أتمشى في الشوارع وأتفرج عليها.. مين عارف؟ لكن أنا دلوقتي هو بالنسبة لي يوم عادي خالص زي أي يوم تاني.

حب و....

أدهم" كان شاب "روش" وحسيت إنه عملي وخفة دمه كانت غالبة وواضحة حتى في هيئته وملامحه... تكلم بسرعة وهو رافض أصلا فكرة عيد الحب لكنه مرغم على تقبلها وعمل الطقوس اللازمة لها..

"أنا باموت فيها ومش باقدر أستحمل زعلها الجامد على حاجات ممكن أعملها. فمافيش مشكلة إني أتنازل حبتين وأحسسها إننا بنحب بعض. أصل يعني إيه عيد أو يوم الحب بالعقل كده؟! هل لو الناس اللي بتحب بعضها ماحتفلتش بيه يبقوا مش بيحبوا بعض؟ طيب، واشمعنى اللي بيحبوا بعض حب عاطفي هم اللي يخرجوا ويجيبوا هدايا لبعضهم؟ يعني هم بس اللي بيحبوا؟ أمال الأهل والأصدقاء والحبايب بصفة عامة راحوا فين؟؟!!"
طبعا هي مرة واحدة اللي تجرأت بسلامتي وناقشتها في الموضوع ده... وكانت التكشيرة هي جزائي طول الأسبوع...
المهم، بنتقابل في أي مكان بعيد عن الجامعة لأني باحس إننا في اليوم ده عاملين زي طلبة المدارس –ده في حالة إذا عملوا زي للمدراس أحمر وأبيض- ونمسك ورد وإنتم عارفين الباقي!! مش بحب أكون شبه باقي الناس... طبعا باتكلف في اليوم ده تكلفة محترمة باحوش لها من العيد للعيد، وكله بيروح في الهبـ... في أشياء مفيش منها فايدة.. شوية ورد على شيكولاتة على دباديب وحاجات كده البنات بتحبها مش عارف ليه...
على فكرة أنا مرة اقترحت عليها إنها تعمل معرض للدباديب اللي عندها في البيت بدل ما هم محبوسين في الدولاب وفي المكتبة!! بس اللي بجد باستمتع بيه في كل مرة وأنا باعمله.. والحاجة اللي باعتبرها هدية بجد مع إني مش غاوياها قوي زي التانيين.. هي الكلمة أو نسميها الجواب اللي باكتبه ليها في اليوم ده..
وأنا باكتبه باكون فرحان وخايف..
فرحان لأني بعبَّر عن اللي جوايا بالطريقة اللي أنا عايزها... وقلقان من الزمن يخليني مش قادر أكون اللي باكتبه ليها في الورقة دي..!! يارب قدرني...

خفض صوت "أدهم" ونزل لسلم ثانٍ وكأن أحدهم قد وضع ثقلاً عليه..

******************

انتهي التقرير اتمني يكون عجبكم ومستني تعليقاتكم

قمره متألقه · 02-14-2008, 09:25 PM

موضوع رائع ورووووووووووعه

أشكرك على هذا مجهود رائع ومذهل

والله لا يحرمنا من جديدك يا رب

وتقبلي مروري

أختك :: قمره متألقه

	سيظهر الرقم السري لمفتاح الهدية التشجيعية هنا !	يجب أن تكون الزائر رقم 1000 للموقع. يجب أن تكون عدد مشاركاتك أكثر من 1 مشاركة. يجب أن يمر على تسجيلك في الموقع 1 يوم.
	شارك معنا واربح رسائل اس ام اس	عند كتابة عدد 10 مواضيح تحصل على 1 رسالة جوال مجانية. عند كتابة عدد 20 ردود تحصل على 1 رسالة جوال مجانية. يجب ان تكتب 10 مواضيع أو 20 ردود لتفوز معنا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღ♥ღღ♥ღ~أكبــر مكتبــة مسجــات~ღ♥ღღ♥ღ	سعيد باتمان	رسائل SMS - من رسائل حب الى رسائل عتاب	4	07-13-2008 06:31 PM
ღ♥♥ღ•\/•« قـــــ م ـــــــة الــــســـــ خ ــــــــــافـــة »•\/•ღ♥♥ღ	بوووووح الشموخ	منتدى المواضيع المكررة	1	03-24-2008 02:24 PM
ღ♥ღღ♥ღ~أكبــر مكتبــة مسجــات~ღ♥ღღ♥ღ	سعيد باتمان	منتدى المواضيع المكررة	0	01-07-2008 06:38 PM
ღ♥ღ مجموعه كبيره من كلمات اغاني الفنانين الخليجين ღ♥ღ	الفتا العنابى	كلمات الاغاني و صور و اخبار الفنانين و الفنانات	1	11-20-2007 12:56 AM
: ღ♥ღ مجموعه كبيره من كلمات اغاني الفنانين الخليجين ღ♥ღ	الفتا العنابى	كلمات الاغاني و صور و اخبار الفنانين و الفنانات	0	10-10-2007 02:53 AM

برامج - العاب فلاش - رسائل - منتديات

شارك في اكبر مسابقة واربح حتى 2000 ريال كل 10 ايام

ღ♥♥♥ღ تـ,ـحـ,ـقـ,ـيــ,ـــق كــــ,ــامــ,ــل عــ,ــن ال ღ♥♥♥ღ valantine