السلام عليكم ورحمة الله وبركاته
مرة كنت انا وابن عمي
واحنا صغيرين دخلنا الملاهي في
محطة الرمل وقعدنا نلعب واحنا الاتنين معتمدين
ان التاني معاه الفلوس
للمواصلات، وانا ساكن في فيكتوريا
وهوا في
ميامي ومش عارفين حنعمل اية،
بس قولتلة يلا بينا عل الترام وبعد
كدة نروح عندي تاخد فلوس تروح، قالي ماشي
رحنا راكبين الترام لقينا الكمسري
شكلة شراني قوي فقلنا يا رب
المحطة تيجي بسرعة ننزل ونركب اللي بعدة فقبل
ماالمحطة تيجي لقيناة مسكنا ذي الحرامية من هدومهم،
قالنا فين التزاكر فقلنالة والله احنا كنا في الملاهي
وفلوسنا خلصت ومكناش نعرف،
بس الراجل اتحول للراجل تاني
وقالنا خوشوا اقعدوا وبعد شوية جه تاني بقولنا انتم سكنين
فين قلنالة في فيكتوريا قالنا يعني مش
عايزين فلوس وكان حيموت ويدينا فلوس
ويزعق فضحنا فكل واحد نازل يعدي علينا ويكون
عايز يدينا فلوس فنزلنا وسبنا الترام ومشينا الباقي
بس كان منظرنا وحش اوي بس كان منظر يهلك من الضحك
المواضيع المتشابهه
العرض العادي
