هذه القصيدة تعبر عن وضع العراقين وعن مايحدث في بغداد التي كانت دار السلام
للشاعرمحمد رحيمة الطائي وهي بلهجة العراقية الشعبية

على صوت البلابل تكعد الناس واني اكعد على صوت القنابل
ونين من الصبح حد مايجي اليل ويعذبني الزمن بس اني قابل
شأشوف ابيا مدينة الروح ترتاح اذا بالناس ماضل كل تساهل
واذا صاير بريء اليقتل الناس كلي ابيا محاكم تلكه قاتل؟؟
ومتنازل ابو الحق كلشي ميريد فوك الحق صبح نطي التنازل
كبل جان اليسامح طيب ايكون هسة اللي يسامح هو عاــــيل
احس بغــــــــداد ماهي بغــــــــداد ظلمة وماتضويها المشاعل
على الحيطان كلشي اتشوف واشكال تهديد ومطالب ومسائل
وعلى بغداد تنوح الحمامات وتبجي اكبال خضرتها المناجل
الصبح تغبش اهموم وشايله وتردامحمله بالهم والمشاكل
ونتبارك لمن نوصل سلامات لان واحدنة يم الموت نازل
ننام ونقرا الف ياسين بالبيت ويكعدنة الصبح صوت القنابل