لتواصل
ارجو إن تحوز على الشيء البسيط من رضاكم





( ليته درى ..! )

حـدّي بعلمـه كلمـةٍ مـن شفـايـاه
أبـدا بهـا عتابـه بحقـد وصـلابـه
جاني وأنـا علـى الوعـد وأتحـرّاه
متغـيّـرٍ طبـعـه وكـلّـه غـرابـه
يقـول لـي مـا عـاد فيهـا مـراواه
مـا شفـت منـك إلاّ عـذاب وكآبـه
قلت أنت منت اللّـي ضميـري تمنّـاه
خـلاص حـبٍّ تعرفـه صـك بـابـه
لابوه حبٍّ حـد قلبـي علـى أقصـاه
وصدّيـت عنـه بكبريـاء ومهـابـه
وصوّت يقول أنته عنـا القلـب ودواه
ولا غيـرك أحـدٍ ولّعـه وإشتقـابـه
ولو الزمـن غيّـر سلوبـه ومجـراه
أنت الأمـل وأنـت الأهـل والقرابـه
وقفّيت ضايق والعقـل تاهـت إريـاه
ومن حيرتي .. قلبـي تجـدّد صوابـه
وشاورت قلبـي بيـن بعـده ولامـاه
وقال آه .. تكفـى لا تصفّـي حسابـه
وإرجع على شانـي ورح دوّر رضـاه
وقلت إنتهـى وأقفـا وقفّـت ركابـه
قال :إنتهى ..!قلت :إيه.. قال :آه ويلاه
لو نظرةٍ مـن رمـش عينـه نهابـه
ورجعت أبي لـي نظـرةٍ مـن محيّـاه
واللّـي ابّـالـي وقـفـةٍ وإنقـلابـه
وساعة وصلت لحـي خلّـي ومربـاه
فـي حـارةٍ فيهـا المنـازل تشـابـه
لقيـت بيتـه خالـيٍ مـنـه مبـنـاه
مظلـم ولا كنّـه وطـا فـي تـرابـه
وسألـت أبَعَـرْف الزمـن ويـن ودّاه
ولقيت شخـصٍ هزّنـي فـي جوابـه
يقـول جـار ومـن ليالـي فقـدنـاه
سافـر ولادري ويــن دارٍ غـدابـه
وراحت بي الذكـرى لصوتـه ولقيـاه
وهلّت دموعـي مثـل وبـل السحابـه
يا من يجيب إليْ الخبـر ويـن دنيـاه
وياخذ ما يطلـب لا وصـل بالأجابـه
دايـم ابّالـي عيّـت تـروح ذكــراه
ومـن غيبتـه قلـب العنـا وآعذابـه
لا جيـت أبجبـر خاطـري وأتناسـاه
تطري عليّـه ضحكتـه مـن إعذابـه
ليتـه درى فـي حالتـي بعـد فرقـاه
وليته درى إنّـي مـا تحمّـل غيابـه
والله لـو يـدري بحـبّـي ومعـنـاه
ليـدق بـابـي قـبـل لا أدق بـابـه