| احيانا نقول يمكن .. بس نقصد أكيد |
يمكن / حضوري / ما يهــم الكثيريــن
الا اني احضر واحتضــر في حضوري
احيانا ارمق عسر واحيانا الليــن
واحيانا استحمق ضحالة قصـــوري
| حاولت .. و .. فشلت |
حـاولـت أرسـم بـسـمـتـي
وحـاولـت أعـيـش بـلـحـظـتـي
لاحـظـت إنـي مـخـتـلـف
وإن الـشـقـا فـي ضـحـكـتـي
أعـيـش يـومـي مـبـتـسـم والـقـلـب حـطـمـه الألـم
جـرفـنـي طـوفـان الـنـدم أضـحـك وأمـسـح دمـعـتـي
أفـرح ومـيـت مـن الـقـهـر
بـردان وضـلوعـي جـمـر حـنـون وأعـلـن قـسـوتـي
أزعـل وأنـا كـلـي رضـا أشـقــى ودنـيـاي الـهـنـا
أود غـيـر بـالـجـفـا وجـفـوتـي هـي طـيـبـتـي
أجـرح وأداوي هـالـجروح أقـطـع وأوصـل ثـم أروح
أكـتـم وأكـابر ثـم أبـوح أهـدأ بـقـمـة صـرخـتـي
حـيـاتـي عـنـهـم تـخـتـلـف فـي كـل شـي أخـتـلـف
وإن جـيـت أشـابـه أخـتـلـف
ومـيـزتـي فـي غـربـتـي
يــاما قالوا الناس : خايف ، وقلت : ما فيني قصور
بس شفت إن الشجاعه معنى ثاني للخطر
إيـه خاف .. وكون سالم دام هـالدنيـــا بحـــور
والبحر مهما وفى لك .. طبعـه غدار البحر
وللشجر إن شفت هامه هذا من طيب الجــــذور
يعني أعمالك جذورك هذي هـي بالمختصر
القضيـــه : ما هي شخص خالفـه شرطـي المرور
البشر في الدنيا هذي صار .. ياكلها بشر
مشكلتي إني أشوف الناس من أهلي
وأعامل الناس مثل أبوي وأخواني
| لـ رفيق الدرب |
اقدر موقفك واعذرك واذكر عشرتك بالخير
واكرر شكري وتقدير قلبي يا بعد قلبي
انا واضح ولكن ما املك القدره على التعبير
امانه عش حياتك واترك همومي تسافر بي
حياتك تستحق التضحيه والصبر والتفكير
حرام يضيع حلمك يا رفيق الدرب في دربي
لا حشى
ماقلت حظي صار ميت
هو أنا لي حظ
حتى أنه يموت
نشوة رضـــــا ..
رشفـــة وهمــــ ..
نكهــــة أحــــزان ..
احساس .. مدري وش اسميه جـــاني !!
من كثر ما احس ..
اني مع احساسي انسان ..
احس انه احساسي ..
انسان ثاني .. !!
اسمع بصمتي عزف .. موسيقى و اوزان ..
وارسم صداها .. في ضلوع المعاني ..
وشلـــون ألونها .. !!
وانا مالي ألــــوان
غير البيـــاض ..
وحلمي الارجوانيــــــــــــــــ ... !
على بـاب الأمـل واقف أناظر للفجر نوره
ولا أدري لوين أوصل
كأني بدنيتي مجهول
أخط بخاطري أشواق هي في القلب مسطوره
عساها الدنيا تتبسم
وكل الهم عني يزول..
تراني بدنيتي عايش وبي أشجان مدثوره..
عليم الله ..
نعم والله أحس بعالمي مجهول..
زمن قاسي ولا يرحم ..يزيد القلب فـ كسوره..
و لكني أنا بصبر
ومن يصبر تراه ينول..
| مؤلمــ |
شي مؤلمـ
والألمـ ماله حدود
تلقى نفسك في وطن
عم ّ نوره هـ الوجود
وأنت غارق في ظلامك
في حزن
يبني في حياتك ويهدمـ
شي مؤلمـ
تلقى نفسك غريب
في بلادك
واقعك
بـالألم مظلمـ
ماتمنـّى أوحتى تحلمـ
| وفــاء الأغبييــــاء |
كان الوفا أصبح (غبا) باسبابي
قولوا لهم ذا البيت لاينسونه :
في ذا الزمن .. خلك كذا متغابي
وشف كيف جوّ الأغبيا وشلونه
وخلك مسالم في زمان ارهابي
ترتاح من جرح الزمن وطعونه
| بــس عـــــاد |
يا جهالا دام جهلى ما ابيكم تسألون
ان سكتم وان سألتم سائلٍ رب العباد
اتركوا قلبي بهمه دامكم ما تقنعون
مالكم واهموم قلبي ياجماعه بس عاد
ترى خير الكلام الذكـر وأشرف مفرده تسبيح
ودنـيـتـنـا قـصـيـدة وأعـتـقـد ما هي بـموزونه
يـطـيـح الـمـزن لـكن السحابـه ثابتـه ما تطيح
مثـل مـدّاتـنـا لا مـن عـطـينـا جات مضمونـه
|انـتـظـار .. هيّ انا |
كل ما زاد العمر همي يزود
وكل ما يبقى من العمر اختصار
حتى لو قلنا يا عمر الورد عود
وش لقينا غير تعذيب أو مرار
غربة / و كربة / وحرمان / و قيود
ونظرة يسكن بها ألـــف انكسار
ما خذينا يالعمر غير الوعود
احسب أن اسمي ابها الدنيا " انـتـظـار "
انا بشـر مثلـك لـي احسـاس وشعـور
واغـتــاظ لا مـــس الـكــلام بـ كـيـانـي
حتـى وانـا فـي قـمـة الغـيـظ مقـهـور
بـعـض الحـكـي عـيـا يقـولـه لسـانـــي
| والله صغار على الحزن |
كفاك دموع ياقلبي ترى دمعك علي غالي
أنا مالي بهالدنيا سواك احد يواسيني
صعيبه والله هالدنيا على مثلك وأمثالي
صغار على الحزن لكن أبت تستوعب سنيني
وحيد عشت أنادي الفرح لجروحي ولا جالي
رحلت بكل صوب وما لقيت اللي يداويني
وتراها ما غدت تفرق معاي ولو طال ترحالي
أنا أصلا سكنت الجرح وضاعت به عناويني
عشقت الحزن مو برضاي وعيا الوقت يصفالي
.ويوم انه رجف دمعي ذبحته في وسط عيني
مصير جروحنا تذبل قصر هالعمر أو طالي
وإذا جرحك ابى يبرى بضمده بشرايـيني
لي مبـادي ..
وصــاحبي لو جار منه الجور عادي
وصاحبي لو هو خذل رجواي عادي
وصاحبي لو هو بخل برضاي عادي
وصاحـبي لو هو قتل ذكراي عادي
وصاحبي ..
يبقى العزيز الناصع إللي له ودادي
ودام أنا ستره وثوبه
صاحبي ما آقول عنه أبدا ً وتوبه
يا هلا به
وبعيوبه .. وبذنوبه
يا هلا ..
إن وصلني يا هلا ..
وإن قطعني يا هلا ..
صاحبي وإلا فلا ..
والغلا نعمة كريم وساقها لكل الملا
10-02-2007, 02:22 AM
| احيانا نقول يمكن .. بس نقصد أكيد |
المواضيع المتشابهه
العرض العادي
