السلام عليكم ورحمة الله وبركاته
كان في مدينه الرياض من حوالي اكثر من خمسين سنه واحد يقاله أبو الراس
وكان سبب تسميته انه كل اسبوع يشتري راسين من رؤؤس الخرفان ويلفها بقرطاسة سمنت ويروح بها لبيته عشان تطبخها زوجتها له ولعيالها وماعمرهم ذاقو غير لحمة الراس وماكان فقير بالعكس
كان تاجر وغني يملك عماير وبيوت في وادي حنيفه قريبه من الرياض والحين بوسط الرياض
وكان يديًن الناس العشر الاف بثلاثة عشر ولخمسة عشر الف بعشرين الف ولكن مع التجاره هذي والثروه الكبيره كان يعيش عيشة الفقر والحرمان ساكن باشين بيت يملكه بـ عليشه
وحارم زوجته وعياله من كل شي حتى الاكل والشرب من ارخص شي اهم شي عنده انه يسد جوعهم لو بخبزه وشاهي وكان يقنع زوجته براس ويقول ان فيه كل شي فيه لحم وعصب ومخ وعظم ولسان وشحم وجبه كامله في الراس وكان الجميع يشتكون من ريحته اعوذ بالله معفنه ومو غريب انها تكون ريحة البخل يشمونها الناس ويكرهونها وهذي الخصله الوحيده اللي تخيل اهل الرجال يتمنون موته لانه مصدر حرمان وعذاب لاهل بيته وماراح يشوفون الخير الا اذا مات
وهذا مايدخل مخباته ريال ويطلع لو تبطحو عياله من الجوع حكمته الريال الابيض لليوم الاسود ومهنته كنز هالفلوس على قلبه وفي ذاك اليوم راح للبطحاء يدور له رجال ساكن هناك حلً عليه الدين صلى معه في مسجده صلاة العصر وماشافه واستخسر انه يرجع لبيته فـ نام بالمسجد
الى ان اذن المغرب وماحصله يوم صلى طله وجلس عند باب المسجد وكن جايع وتعبان . شافه
واحد ويحسبه طرار (شحاذ ) فاعزمه لبيته على العشاء وهم على العشاء رفع راسه بو رأس وشف الرجال طويل ووسيم ومظهره مرتب وباين انه ولد نعمه وبيته من احسن البيوت وأثاثه انيق وجميل
وسفرته من اشهى الاكلات قال في نفسه اكيد انه من المسرفين وانه يحتاج لاحد يديًنه
سأله قال وش تشتغل؟
رد عليه ما نيب اشتغل
ومن وين تجيب الفلوس؟
اتزوج الارامل الغنيات




وكيف تتزوجهم
اذا سمعت عن اي ارمله تاجره خاصة اذا كان زوجها قبل مايتوفى يجمع القرش على القرش
فانه يخدمني مرتين مره يجمع لي ويحرس فلوسه كأنه كلب صيد
ومره بكره زوجته له بسبب بخله وتكون ماحبت احد قبلي يعني قلبها بكر
فاوجعه بطنه من الي سمعه وقال عن اذنك وطلع واستاجر سياره كبيره (دينا) وراح لسوق الخضار وتقضى لزوجته وعياله ودخل بها عليهم واستغربو قالت زوجته وش ذا يابو راس قال مابعد شفتي شي ابشري بالذهب وبالسفر كل سنه




النهاية

منقووووووووووووووووووووووووول


__________

رزاان,,,

يا الله على الناس ااطماعه شو انها طماعه ههههههه
مشكور على الموضوع