]––––•(-•جتني رسالتها •-)•––––

]––––•(-•جتني رسالتها •-)•––––

ستعرفون القصّه من خلال الأبيّات ,, ففي البدايّه الشاعر يُلقي القصيدة وغالبته الدموع فبكى وأبكانا ..



جتني رسالة من صدى خافق الروح
وقريتها بإحساس قلبـي وروحـي
قريتها وانهدّت قصور وصـروح
وأنا من أول عالياتـن صروحـي
تشكي تقول القلب يا حمود مجروح
ما تدري اني غايراتـن جروحـي
تهلّ دمع وترفع الصـوت بالنـوح
واللـي فقـد غاليـه لازم ينوحـي
ما كلّمتني يمكن الصوت مبحـوح
من النوح وإلا ما استطاعت تبوحي
جتني رسالتها بها دموع وجـروح
وانهَد باسباب الرسالـة طموحـي
تقول ياحمود الزمن صار مفضوح
والشيب فيني لـو تشوفـه يلوحـي
يا بو علي مالي بالأغراب مصلوح
مادام قلب اللـي نحبـه شحوحـي
ودّي بشوفك دام الأعمار بفسـوح
قبل الرحم يا خوي منـا يروحـي
زلّ الزمان اللي به أفراح ومـزوح
أنخاك تكفـى لا تظنّـه مزوحـي
وبعد الرسالة صار بالقلب ذابـوح
طار المنام وصار فكري يشوحـي
أختي رسالتها لها القلـب مفتـوح
كلّي لها والقلب ينصـت ويوحـي
أقولها ودموع عينـي لهـا فـوح
وسط المحاجر دمع عيني يفوحـي
أجاوب الورقا على عالـي الـدّوح
وأنوح من فرقا الرفيق السموحـي
والله لو إني وسط الأطباق مذبـوح
لأظهر كما خطو الحصان الجموحي
وأقول يا عين المها ما بها شـروح
لو تطلبين الروح تفـداك روحـي


الشاعر: حمود الشمري
إنشاد :أبو يزيد
النشيد من شريط دواوين

مشكورين على المرور