طالعتنا وسائل الاعلام خلال دورة خليجي 18 بصور لمشجعات في مدرجات الملعب يرتدين اللباس الأخضر على أساس أنهن سعوديات ، ويذكر الاخوه الذين شاهدوا اللقاءت التلفزيونية أنهن لا يتكلم اللهجة السعودية وإن كن عربيات مع الأسف ! ...
فأردت أن أرد عليهم .... ولكن شعراً ...
يا عين هلي دمع هلي غيض والا من عجـــــب _________ من حاجة ما شفتها لكن تقول شهــــــودها
قالوا سعـودية تشجـع في صفوف المنتــخـب _________ قـلت السعـودية عفيفة ما تفل جــــــعودها
اللي لقوهن بالشـوارع ما لهن دين ونســـــب _________ محـــاســبن جـلابها لصــدورهـــا وورودها
لو تلبس الأخضر وتومي بالعــلم للـي لعــــــب _________ مـهـــمة لا نفـــــذتهـــا حــصـــلت مردودها
بناتنا ما هــيب لا سلعــة عــجم والا عــــــرب _________ الدين ساترهــا ومعــروفة جــدود جــدودها
ما تجــدع الشـيلة ولا تهــتز لأنغام الطــــــرب _________ لو تسـمع الزلة خجلها في حـمار خدودها
فيـها الحــبابة واللطــفـاة والظــرافـة والأدب _________ تبغا اخـتصار المـسألة ياطـيبها ياجـــودها
المشكلة ما هيب بالكذبة ولا باللي كــــــــذب _________ المشـكـلة ناس تصــدق كــذبها وتــزودهــا
يصير بين الناس مثل العـير حــمـــــــال القرب _________ مــا يفـــهم القــصة ولا يفتك من منقـودها
و الفتنة اللي صاغها الشيطان قطعه من ذهب _________ ركضها الفتان بين الناس يرجي فودها
جاك يتفلسف عندنا من عقب ما حك الشــــنب _________ ويقول هذي بوتقة ما احد يعرف حدودها
يا عزتي لك يالثقافة كل من جاها كــــــــتب _________ حتى من اوروبا تطالعنا وجيه قرودها
والمملكة بصدورنا دم وشرايين وعصـــــــــب _________ واهل النفاق تموت يوم غيضها بكبودها
منطووووول ..!!
09-04-2007, 11:27 PM
قالو سعوديه تشجع في صفوف المنتخب !!
المواضيع المتشابهه
العرض العادي
