يحسدونا ليش يجمعنا الوفا...؟؟
وليش باقي الكون متعود يخون...!!
خلنا نبقى سوا صبح ومسا..
مثل الطيور نعيش في حضن
الغصون..
وإن عيوني صابها بعدك عمى..
أنا بوجودك ترى كلي عيون





**





لو غديت بدرب حبك وش يصير
كم سفينة ضاعت بعرض البحر !!
لو نزل دمعي على شانك غزير

يستحق الورد رشات المطر !!
لو بقيت الليل من شانك سهير

تستلذ العين لأجلك بالسهر !!
لو فؤادي كل ماشفتك يطير

من يلوم الطير في حب الشجر !!




**



في داخلي ليلٍ حجب مطلع الشمس
وفي داخلك شمس نست ليل همي
لا مابقى لي صوت وماعاد به همس
ضاع الحكي مابين قلبي وفمي
يامن عطيته القلب بأصابعي الخمس
ضمي بحنانك ضايق الصدر ضمي
يافرحتي باكر ويامدمعي امس
بين الرجا والياس بقول سمــي
ابنتظر باكر عسى تطلع الشمس
تنحي الظلام ويقتل النور همي




**



وش تقول بشخص مثلي مات فيك!
حبـك لـحد الـجنــون ومـا اكـتفى!
لو نسى عمـره وروحـه مـا نسـيك
دام حـبك نـبــع صــافـي للــوفــا
لو تكـون بآخــر الــعــالــم يـبـيـك
دام شــوفــك فـيــه للــروح الشفا
كم تمنـى فـي عيـونـه يــحـتـويك
لجل يسـري فـي حـنـايـاه الـدفـا





**




هب الشمال وجابت الريح ذكرى
ياليت لي ف بال الاحباب طاري
ياما على وصلك تحريت ذكرى
وياما ع طاريك عطرت داري
لمصافحك كفي من العام عذرا
تغار من لهفة يميني يساري





**




أبيك تذكرني لي صرت تعبان،،
ترمي لي الحمل الثقيل واضمه..

ابي اكون النوم لاصرت نعسان،،
وحضن الحنان لقلب مشتاق لأمه..

أنا قلبي لك حيــــل ولهان،،
شوق "اليتيم" اللي فقد من يلمه..




**




جتني على طاريك عذبات الأبيات
ذكـراك ساقت لي جميع القوافي
لك قـلب لـه مـع الـطيـب وقـفــات
وبين الضلوع الحانية قلب صافي
لامن ذكـرتـك واللـيالي القـديمات
فـزيت مـن نـومي لـو كنت غافي




**



أتذكر لقاها لين شفت البقايا
اتوجّد عليها وأكتمه في خفاي
أذرف دموع عيني لا ذكرت الهدايا
ولين شمّيت عطره زاد فيني عماي
قدّه ورمش عينه هي طعون الضمايا
هي غناتي وروحي..أصحبت هي مناي
أتذكر شفاه وكل ذيك الحكايا
ماملك قلب روحه بالوسيعة سواي




**



ولع رماد الشوق يا معذبي نار
من كان يحلم بشتعال الرمادي
ما كنت أحسب إنه يكون اللقا حار
لين إلتقينا و أشبكتنا الأيادي
و قامت لنا الذكرى تغني على الطار
تنساب بأسماعي نغم حب هادي
حسيت شي لفني مثل الإعصار
واستيقظت نشوة غلاك بفؤادي




**



وش حـيله اللي علته داخــل الجـوف
نار الفراق بوسط صدره تصــلا
وش حيلتي ياناس والحال منصوف ؟
منصوف نصفين على اللي تغـلا
نصف يقـول اصبر ترى يحن ويـروف
ونصف يقـووول
.. ~ من تغـلا تخــلا ~ ..



**



ليه التغلي وكل ما أدعيك

مـــــشـــــغول؟؟

صرت الكذوب..وصرت بالحب

بـــايــــــــــــق!

روحي تحبك وباقي الفكر

مشــــلـــــول!

احرقت لي دمي..وهذي

حقـــــايــــــق!

حبك سكن بالقلب من غير

مــدلـــــــــول!

أنا أتعذب..وأنت بالحيل

رايــــــــــــق؟؟




**



أحتاجلك لاضيّق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهنــــاها
أحتاجلك في كل لحظه بعمري
لاصرت روحي كيف أحيا بلاها

يسلمووووووغروب
تحيات رنوووووده

مشكووووووووووووووووووووور

مشكور على الذوق الحلو