برامج - العاب فلاش - رسائل - منتديات

**ملكة الطوفان** · 07-05-2007, 01:05 AM

اعرفي عريسك بدري بدري من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان
ولا مفجوع على طول.. يبقى شخص معتدل في عواطفه وقراراته
ويبقى ده آخر الرجال المحترمين..

كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب
وقبل ما يقول لك ازيك يقول لك ريحة التقلية تجنن ياروحي
إنتوا عاملين ملوخية على أرانب؟؟..
أموت أنا.. ويقعد ياكل ويحشر لحد ما يغمى عليه..

يبقى إنسان طفس.. وهوائي..

وطايش.. وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده عادم
ولا مالح ولا مستوي ولا لسه ني ولا بيعلق أي تعليق..
وعمره مايقولك جعان أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست في وقت واحد
واعملي حسابك هاتركبي وتدلدلي رجليكي.

4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من على الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .

حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك
ويقعد يشوف وقعها عليكي إيه؟؟
نظااااام شلل رعاش

بدري.... بدري....

إخلعي يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

""ماعاليش برَّه يا حبيبي وخد الباب في أيدك""

7- أما إذا كان دايمًا قرفاااان دايمًا مش عاجبه العجب ولا الصيام في
رجب..

الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع مووووز.. أووووف.. الرز محصويل.. يامَّه المكرونة
معجنة..

إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة من العجيييين

والأحسن من ده كله.....

مالها القعدة ف بيت أبووووووووكي؟؟

مـــنـــــقــــــول

مع خالص تحياتي

ملكة الطوفان

شادي المنير · 07-06-2007, 02:38 AM

ههههههههههههه

انت صعبه اوي النهارده يا ملكه الطوفان

شركتي اغلب الرجاله

يا خوفي انك تكوني وقعتي في واحد منهم

بس اكترهم


	2- إذا كان بيحب الأكل زي عينيه.. وأول ما يدخل من الباب وقبل ما يقول لك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟؟

ده مشكله ملهاش حل

احسن حاجه يتجوز جوه سوبر ماركت

تسلمي يا احلي ملكه علي هالمجموعه الرائعه من الاكيله

بس الجواز حاجه تانيه

اوعي حد يصدق ملكه الطوفان في هالكلام

الرجال يختلف مقياسهم عن ذالك

فلا علاقه للاكل و التصرفات الشخصيه

وفي الاكل الامر متغير

فمن الممكن ان تجدي رجل يحمل جميع هذه الصفات في الاكل

هتعملي ايه فيه !!!!!!!!!!؟؟؟؟؟؟؟؟؟

تقبلي مروري

**ملكة الطوفان** · 07-06-2007, 04:24 PM

أخي شادي المنير
مرورك على عيني و راسي
و يسعدني جدا

بس مقلتلناش انت من اي نوع
و بعدين ايه حكاية محدش يصدق الكلام ده
شكلك ناوي تخربها عليا

و أحب اطمنك اني لسه مش وقعت
و لما هقع ان شاء الله يكون خير
و مش تنكسر راسي

و لو حصل و اتجوزت واحد فيه الصفات دي كلها
يبقى عليه العوض
و اعمل باخر نصيحة الي هي


	توكلي على الله وهاتي أحمى ساطووووور عندك وأنا أعرف لك واحد محامي هايطلعك منها زي الشعرة من العجيييين

و للاشارة الموضوع فقط من باب المزح
و الاكيد أن كل ما قيل فيه قد لا يكون له مجال من الصحة
بس طابع الكوميدية فيه عجبني
فاردت أن اشارككم فيه

الف شكر شادي
و ألقاك في موضوع اخر
شرط الا تبخل علي بالزيارة

لك مني خالص الحب و الاحترام

شيختهم كلهم · 07-08-2007, 10:11 PM

مشكوره حبوبه على الموضوع الحلو

الله يعطيج العافيه

عشق الروح · 07-08-2007, 10:57 PM

ههههههههههههههههههههههه
افضل اول نوع لان الباقي يوصل للمشنقة
شكرا للنقلك الرائع

عاشق الريال · 07-10-2007, 11:31 AM

مشكووووووووووووووورة على الموضوع الرائع يا ملكلة الطوفان الله يعطيك العافية

softy_girl18 · 07-12-2007, 03:14 AM

مشكووووووووووووووورة على الموضوع

za32ooo2a · 07-16-2007, 09:27 PM

و اللهي معلومات فعلا ما كانت تخطر علي البال

**لمارا** · 02-05-2008, 09:58 PM

هههههههههههههههههههههههه

دمك خفيف يا ملكة ...... وطريقة الطرح للموضع ببتجنن .....هههههههه

بس يا لطيييييييييييف على هالمواصفات ...... هههههههه

الله يبعد عنا النوع التاني والسادس ......... يامامي ..... والله بيخوفوا ........

يسلموووو ع الموضوع الحلو .......

لمارا

طنان الليل · 02-06-2008, 01:33 AM

شكراااااااااااااااااااااا كتيرعلى الموضوع والله اعطتينا معلمات كتير رح نستفيد منها يسلمووووووووووووو

يا ملكة الطوفان ويعطيك الف عافية

	سيظهر الرقم السري لمفتاح الهدية التشجيعية هنا !	يجب أن تكون الزائر رقم 1000 للموقع. يجب أن تكون عدد مشاركاتك أكثر من 1 مشاركة. يجب أن يمر على تسجيلك في الموقع 1 يوم.
	شارك معنا واربح رسائل اس ام اس	عند كتابة عدد 10 مواضيح تحصل على 1 رسالة جوال مجانية. عند كتابة عدد 20 ردود تحصل على 1 رسالة جوال مجانية. يجب ان تكتب 10 مواضيع أو 20 ردود لتفوز معنا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تدري يوم تغيب عني ؟!	عبووووووووووودي	وجدانيات	4	08-05-2007 10:59 AM
تدري وين انا ؟؟!!	عبووووووووووودي	وجدانيات	4	08-05-2007 10:21 AM
تدري اني موت احبك	عبووووووووووودي	وجدانيات	4	08-01-2007 09:27 AM
تدري من انا	عبووووووووووودي	وجدانيات	4	07-31-2007 03:52 AM
تدري وش اخر ما كتبت!!	عبووووووووووودي	رسائل SMS - من رسائل حب الى رسائل عتاب	11	06-25-2007 03:43 PM

برامج - العاب فلاش - رسائل - منتديات

شارك في اكبر مسابقة واربح حتى 2000 ريال كل 10 ايام

اعرفي عريسك بدري بدري من طريقة اكله