السلام عليكم ورحمة الله وبركاته




نكات غراميه الجزء الاول

===

يذوب قلبي في نواظر عيونك واشتاق لك شوق الغريب لدياره

أقعد واشب النار واذكر وليفي .. وبحجة الدخان أبكي على كيفي

ودي اشوف من صار بعدي حبيبك وتشوف حالي بعدما حنا افترقنا

صورة قديمه رجعتني لماضيك صورة قديمه للورى رجعتني

بكيتني وانا احسبك تكره بكاي اثرك تلذذ في دموعي وانا ابكي

شفتك معه وصديت عنك واقفيت اخاف اموت من القهر في مكاني

صوتن سمعته تل قلبي من اقصاه لو لا ضلوعي راح قلبي مع الصوت

ياذيب انا بوصيك لاتآكل الذيب كم ليلة عشاك من عقب المجاعه

يقولون اني قدرت انسى حبيبي واشتري فرقاه لك الله مانسيت الا سواد وجيه عذالي

ياعنود بعض الشقا شوفيه في عيني والبعض الآخر احب الناس يقرونه

لاتشتكي هالوقت معروف تاليه هالدنيا والله ماتساوي كدرها

ابيك بس لحضه معي وانت صديت وش فايده نجوم الليل لاقفى قمرها

قلت لك الف مره لاتجرب غلاك قلت لك لاتغلى منت ناقص غلا

جعل عينن عقب فرقاك تفقد بصرها عينن بلا شوف الحبايب مالها قيمه

حبيتك الوقت كله مابقت ساعه تركت لك هالدقيقه حبني فيها

اكرهك واحبك ولا ابيك وابيك لخبطت فكري ماعرفت الحقيقه

تدري لو الحب في يوم يتكلم كان قال شوي خف الله يهديك

وصفك يعجز شاعر الانس والجن والله مدري بالشعر كيف اطوله

راسي ولو شح الزمن ماحنيته مابقى الا انتي توطين راسي

مادام لي يوم واحد في العمر باقي تظل بين البشر للموت معشوقي

مابيك تسألني عن الشوق ياشوق من نظرت عيوني تعرف الاجابه

موت البشر واحد وانا اموت آلاف ياعونت الله ويش انا عايشن له

وجع هم وجع خوف وجع ضيقه على كيفك تعال اختار هذي سلة اوجاعي

ماينحني راسي مادام مرفوع واذا انحنى راسي برجلي وطيته

كل دار تضمك ليتها صدري وكل عين تشوفك ليتها عيني

كانك على قولك تمنى لي الخير ساعدني انسى حبك اللي خذاني

كرهني بنفسك ولو بذنب صغير القى به اعذاري واعود لزماني

توقعت ان بفراقك تقوم الدنيا وتقعد واثاري الفرقى عاديه ولا حسيت بفراقك

من عرفت الدنيا ماعمري خضعت ومن بعدتي صرت افكر بالخضوع

ماتتصل ياغايت النفس وشفيك مدري غلا والا نويت القطاعه

تلعب بقلبي لعبة الطفل بالطير يضحك وطيره ميتن في يدينه

حبك بقلبي مثل وشمن على كف يموت راعي الكف والوشم باقي

فكرت بالدنيا بلياك وشلون وبلحضه التفكير هلت دموعي

انت الفرح دايم لاصابني ضيق وانت السند لاكشرن سود الايام

احرص على اللي دايم الدوم شاريك واحذر من اللي لاقسى الوقت باعك

في ذمتي انك دوا القلب والروح لاشفت رقمك شافت النفس راحه

اكبر فخر للمرجله يوم نطريك واكبر فخر لعيال عمك وجودك

سمعت صوت الباب وانا احسبك جيت اثر الهوى والباب يلعب عليه

من حبكم قمت البس الثوب مقلوب وانشد عن الغتره وهي فوق راسي

لوكان قلبي ناوي اليوم ينساك لقطع عروقه وانزعه من مكانه

يازين صوتك لاعبر بين الاسلاك وشلون لو حطو مع الصوت صورة

اتعبني الحلم لين الواقع انكرني كني مسكت الفرج بيدي وهديته

انا اذكر يوم جيتيني وبصدرك نزيف طعون سحبت السيف ابفزع لك وبسيفي طعنتيني

======

والله والله قليل اني اشكرك