تجب القراءة بالهجة الحلبية حصرا
كان ياما كان باديم الزمان نحكي والا ننام بعد ما نصلي على بدر التمام كان في بنت حلوة كتير .. وتزوج.. ورح اجيلك من الاخر خيو مالك بالطويلة
ياسيدي مللا انت وراحوا مرت ابواا وخواتا التنتين على حفلة عرس بنت المليونير الكبير .. واش ليبسين لبس وجخ وفخفخة غير شكل! و بالحفلة رح يكون موجود ابنو يللي عما يدور على عروس واعدت هالمسكينة سندريلا لحالا بالبيت عبتندب حظا وفجأة طلعتلا الساحرة وبايدا العصاية السحرية طبعا سندريلا قرت القصة من قبل وعرفت انو لازم تتعجب وقت يللي بتطلعلا الساحرة بس ما تعجبت وساوت حالها تعجبت وفنجرتلك عينيها كل وحدة هيك قدا والتلا الساحرة لسندريلا اشبك روحي تقبري عضامي يامو ليش زعلانة احكيلي روحي لاتخافي انا خالة الساحرة مو قريتي عني بالحكاية خيتو؟
التلا سندريلا :والله شوفت عينك هي مرة ابوي المفترية الظلمة وبناتا التنتين الجربانات راحوا عالعس وتركوني هون لوحدي اجلي واغسل واطبخ .. هادا حظي المنيل اش اساوي يعني
الساحرة: لك يلي بيسمعك ما بيقول انو عندكن غسالة وجلايو ومكنسة عالكهربا .. بقا شو عليكي تعمليه وليه؟
سندريلا : اه بلا يعني ما بتعرفي ؟؟؟؟ نشر الغسيل والكوي مالو مشقة يعني ؟؟ بس اش اسوي بدي اتحمل حسبي الله ونعم الوكيل
الساحرة: بعدين ولك بتي الله يرضى عليكي مو عندك السنة بكالورررررررريييييييييا اش الك انت هلق بالعراس والاستقبالات قومي درسي احسنلك بلكي بتدخلي شي كلية كويسة ضروري تطلعي متل خواتك وحده دخلتلي اقتصاد والتانية تعويضات سنية
سندريلا: يا خالة الساحرة يعني وقفة هلق عهالليلة ؟؟؟!الليلة اللي بدو يكون موجود فيها ابنه للمليونير وعبيدور على عروس واكيد مارااي يلاقي احسن مني بس مو لازم يشوفني بالاول ؟ الله يخليكي خالة ساعديني خليني اروح عالعرس الله يوفقك خالة الله يوفقك خليني اروح طيب
طيب ولي عليكي شقد بتعلكي بخليكي بس بشرط بترجعي بتدرسي و بتعوضي يللي راح منك ها
سندريلا: حاضر خالة حاضر طيب قومي بقا لحتى نشوف اش بدك تلبسي وشلون بدنا نخليكي تصلي لهونيك بتعرفي وين محل العرس؟!
ايه بعرف بفندق الشهباء بالصالة الشرقية طيب قومي لنشوف
اش عندك لبس
وفلتت سندريلا بالبكا ما عندي لبس .. لبسي كلو قديم وبطلانة موضتو شلون بدي اروح عالعرس هلق وما عندي لبس حلو!!! شلون بدو يشوفني الشب رح يقول عني مبهدلة وما بعرف البس وماني من مقامو
(صفنت الساحرة و بلشت تفكر) اش بدنا نعمل هلق مالي غير احكي مع رفيقتي اللي بتشتغل بمحل روستيني هادا خيتو كتير كويس بلكي بيبعتو لنا شي فستان مرتين ومفخفخ يللا عطيني هالخليوي لاشوف ودقت هالساحرة لرفيقتها وقالتلها من شان تبعت الروب
وقام قالت سندريلا طيب يا خالة شلون من شان المكياج ولف الشعر يعني هي حفلة كويسة مو حيلا طيب
طيب اصبري شوي اشبك ملهوجة اش شيفتيني ما بفهم ولك بنتي انا خالة الساحرة اش مفكرة وبعدين جبتلك اكوس لفافة شعر لحت تعماك موديل ولا صار لملكات الجمال قعدي لاقاقلك وقعدت بين ايدين اللفافة
وراحت هديك تشد وتنفش وترفع بشعر هالسندريلا وشي بتبخاها خصل وشي تقصلها من الشعر وهيك بعد فترة خلصت سندريلتنا من الشعر وراحت لعند الساحرة من شان الميكياج وقامت هالساحرة ومسكتلك شي 4 فراشي و بديت وكانها عما ترسم لوحة بس اش لوحة هادا وش سندريلا .. اي خيو ومالك بالطويلة وبعد شوي وبعد طلس شي 8 الوان كانت سندريلا خالصة ووصل هالروب المرشرش والمفخفخ ولبسته سندريلا وطلعت ولا سندريلا يلي بالحكاية
وفجأة صاحت سندريلا شلون بدي اروح ومالي ليبسه دهب التلا
الساحرة: ولك ما تخافي ولك طشمة جبتلك معي شويت دهب من عندي خدي لبسيهن بس.. شلون بدك تروحي سيارتي انا معطلة ؟؟؟؟ مافي غير اوقفلك شي تكسي مرتب
صاحت سندريلا اشو؟؟؟ تكسي ايه ما خرج .. ما بدي حدا بيروح على هيك روحة بتكسي
ولك تضربي شحادة ومشيرطة صاحتلك هالساحرة طيب .. طيب رح استاجرلك سيارة مرسيدس استني
وبعد شوي وصلت هالسيارة مع شوفير وركبت سندريلا وراحت عالعرس ولما وصلت كان ابن المليونير جوا وحوليه عجقة بنات غير شكل ولما دخلت وشافت هالشوفة فنجرتلك عينيها كل وحده هالقد وقالت لحالها لازم انتهز الفرصة واخليه يطلع علي انا وبعد تفكير طويل راحت لعند المطربة وطلبت منها تغني طب ليه بيداري كده وقام هالمطربة ردت عليها وبلشت تغني وسندريلا وقفت بنص الطاولة وبلشت ترقص اش رقص ولا روبي ما عرفت ترقص متله وقام هالابن المليونير ضربت عينه عليها وبلش هالملعون يطلع فيها من فوق لتحت وبعد ما خلصت الغنيه قام وحكى معها وعجبته
وبعدين قلها اش رايك نرقص سلو من شان نتعرف على بعض اكتر
ووافقت وبلشو يرقصوا وبنص الرقصة ولك خيو صاحلك ابن المليونير اش صوت وقلها بتتجوزيني ولك
سندريلا قالتلو ولي على قلبي طبعا اش الشغلة بدها سؤال بس بس بس اشو تقبري عضامي بس انا وعدت خالة الساحرة ادرس منيح من شان تطلعلي كلية كويسة
اي والله والله الي بيسمعك بيقول يللي عما يدرسوا بكالوريا عنا عما يطلعلن شي اشبك اش مفكرة بكالوريتنا لعبة والله والله مالك علي يمين يمكن هالطلاب اللي بالجامعات كلن شي موازي وشي مفتوح يعني مصاري تقبريني ما حدا بيدرس وبيجيب بتعبه كله عبيدرس بمصاري ابو اش مفكرة وعلى كلا روحي انتي ولايهمك انا رح ادرسك بجامعة اش جامعة خاصة ولا احلى واذا بدك بشتريلك شهادة من برا يه
اش كمان الشهادات بنشروا بالمصاري
طبعا ولي عليك شقدك طيوبة
اش مالك خبر طيب طيب موافقة بدي شهادة دكتورا جراحة ذات خبرة من اميركا
ولك تكرمي عيوني انتي
وهيك يا سيدي تجوزوا وصارت سندريلا دكتورة ونيال اللي بيوقع بايدها
وتوته توته خلصت الحكييه
الكلمه اللي ماعرفتوها اكتبوها مشان اترجملكن ياها
07-01-2007, 06:22 AM
حصريا قصة سندريلا باللهجة الحلبية
المواضيع المتشابهه
العرض العادي
