برامج - العاب فلاش - رسائل - منتديات

كهف الاسرار · 01-29-2006, 04:15 PM

خل المسافة ثابتة مع وصالك
لاتقترب مني ولاتطري فراق
مثل الثرى والشمس حالي وحالك
بعدك يجمدني وقربك لي حرااااق

= = = = = = = = = =

لجل مابقى أنا الأول بعينك
وتبقى تحترم شخصي وذاتي
هدمت اللي أنبنى بيني وبينك
وفضلت ابتعادك عن حياتي

= = = = = = = = = =

في غيبتك كل الليالي تنادي
وينك..عساك تحس في دمعة الموق
تعال..همي صار شربي وزادي
وكني مع الأيام تايه ومسروق
والله غيابك شي ماهو بعادي
تعال..لاتنسى حنيني مع الشوق

= = = = = = = = = =

ماابي وعد باكر ولا توعد اليوم
خلك بعيد وخل للحب قيمة
لاتوقظ النايم تحرمه من النوم
ولا تبعث جروح بقلبي قديمة
ترى له سنين وهو عنك محشوم
وأن عاودت بلواه صارت عظيمة

= = = = = = = = = =

جيت أسألك عن حبي اللي نسيته
انته نسيته عمد وإلا غصايب..؟
ليه الغياب وليه قلبي سليته..؟
أمسي أنا بليلك هايم وذااايب
ليت الهجر يا "فلان" عني لغيته
نلغي الزعل والخوف نرجع حبايب
جيت أسألك عن حب ماضي نسيته
وقلت أسألك يا" فلان " عساك طايب؟

= = = = = = = = = =

محتاج قلبي الحب محتاج للإحساس
محتاجه لإنسان مامثله بين الناس
ياخذ خيوط الشمس ينسج ضياها حروف
ويكتب انا احــبـــك لآخر مدى الانفاس
وبراحة كفوفه يحضن شتات الخوف
ويمحي من أيامي حروف كتبها الياس

= = = = = = = = = =

لاصرت بايعني أشوفك على خير
مع السلامة دام مابه سلامه
قلت: انتهينا؟ قلت لك: خير ياطير
ماني بأول شخص يخسر غرامه..!!
ماكان حبك غير... بس طعنتك غير
علمتني معنى الندم والندامه

= = = = = = = = = =

نحن شفنا بهالدنيا عجايب
ومنها المر والعلقم شربنا
صحيح اليوم حدتنا المصايب
ولكنها ترى مافرقتنا
حبيب القلب لو هو كان غايب
ترى ذكره أبد ما غاب عنا

= = = = = = = = = =

ليت (ف) غيابك ما أحس بغيابك
كل ماغيابك طال أسهر وأحاتي
موتي غدا رحمه علي من عذابك
دامك رحلت وخليتني في شقاتي
واليوم دقيت بالجرح بابك
جيت ارتجيك الموت وأعلن وصاتي
ضحيت بأحلامي وعشت (ف) سرابك
ماخذت من حبك سوى تحطيم ذاتي
حلمي بدا بك يالغلا وانتهى بك
واصبح حضورك لي بمثابة عزاتي

= = = = = = = = = =

صدقيني ماعتبت الا على وجه الزمان
يوم شفتك شفت نفسي عاشقٍ في هالمدينة
كيف انوخ هالمشاعر .. يوم قلبي فيك لان
كيف بأنسى ذكرياتي .. دام بالي تملكينه
صاحبك لو مد يده .. يطلبك بعض الحنان
جامليه وقولي انك .. لو عشقتي تعشقينه
ما يهم ان كان غيري حب قلبك من زمان
المهم اني احبك وانتي حبي اللي تبينه..!!

= = = = = = = = = =

أبسألك
ليه الزمن والحظ دايم لي جحود
وليه الفرح في دنيتي ماله وجود
وليه العنا فيني أنا ماله حدود
عام ورا عام عشتها وهم وسراب
ايام سوداء كلها وهم وعذاب
ابكي ومن كثر البكا
دمعي شكا .. وكلٍ حكا
في دنيتي عن قصتي
عن قصة الحب اليتيم والجرح الاليم

= = = = = = = = = =

ويــــنــــك؟
ياللي اختصرت أحلامي فيك
تعب قلبي وانا ادور عليك
ظلام الدنيا زاد
وكل غايب لاحبابه عاد
وانا ارتجيك
ويــــــنــــــــك؟
ادورك من دهر
وارسم لك الآف الصور
وأحلم في كل يوم التقيك
ويـــــنـــــك؟
جاوبني بتطول بعد
بترجعك الخطوة وترد
وإلا يضيع الصبر فيك

= = = = = = = = = =

ان بغيت اكتب ومن نزفي كتبت الجروح اللي ترافق رحلتي
لا قريب ولا صديق لي عرفت غير جرحٍ وافي لي بوحدتي

= = = = = = = = = =

انطعنت بغيابك ياحبيبي طعون
وانبتت في فؤادي من فراقك جراح
من رحلتوا حبيبي اغرقتني الشطون
والزمن حيل ظالم وفي يدينه سلاح
لحظة في وصالك قدرها مايهون
والليالي بدونك مابها انشراح
انت محبوب غالي وانته ماتهون
لك بقلبي قصور ولك بعيني براح

= = = = = = = = = =

ليه الزعل من بعد ماكنت مسرور
ليه الصديق يخون ذكرى صديقه
من طيب قلبي ما اعرف الف وادور
صدقت كذبك واحسبه حقيقه
توي عرفت انك بلا احساس وشعور
قصدك تسلى بالقلوب الرقيقة

زهرة اللوتـــــــــس · 01-29-2006, 04:37 PM

والله كلمة رائعة قليلة...

يعطيك الف عافية...

تحياتي

الحنونة · 01-29-2006, 07:34 PM

كوووووووووووووووول
شكرا لك كهف
دمت مبدعا

شمعة الامل · 02-04-2006, 12:55 AM

شـــــــكـــــــراً اخــــــوي كهف الاسرار يعطيك العافيه

	سيظهر الرقم السري لمفتاح الهدية التشجيعية هنا !	يجب أن تكون الزائر رقم 1000 للموقع. يجب أن تكون عدد مشاركاتك أكثر من 1 مشاركة. يجب أن يمر على تسجيلك في الموقع 1 يوم.
	شارك معنا واربح رسائل اس ام اس	عند كتابة عدد 10 مواضيح تحصل على 1 رسالة جوال مجانية. عند كتابة عدد 20 ردود تحصل على 1 رسالة جوال مجانية. يجب ان تكتب 10 مواضيع أو 20 ردود لتفوز معنا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

برامج - العاب فلاش - رسائل - منتديات

شارك في اكبر مسابقة واربح حتى 2000 ريال كل 10 ايام

مثل الثرى والشمس حالي وحالك