زمان قوي حصلت حكايه كده مادخلتش التاريخ لأسباب فنية ، بس أنا هاورها هنا كشهادة لي على العصر وبصمة جمعاويه في التاريخ .
بيقولوا ان كان زمان قوي في مكة أيام الكفار وخزاعة وهبل كان أبو جهل عامل كمين على باب مكة وموقف معاه أبو لهب وواحد اسمه ضمضم الزرملحي وقافلين طلعة مكة باربع جمال 4×4
التلاته واقفين في الكمين
المهم كان الوضع شادد قوي وكانوا بيقولوا ان جماعه من اتباع الدين الجديد عايزين يزوغوا من مكة ويهربوا معاهم صرر مليئة بالدنانير !
فبينما أحد أتباع الدين الجديد ماشي بالناقة بتاعته لقى كونوسطبل بغالي موقفه وبيقوله انزل واصطحبوه إلى نيابة قريش العليا ، وفي تمام الساعة الثانية ليلا بتوقيت ساعة أبو جهل اصطحب مجموعة من سفهاء القوم وراحوا هاجموا بيت واحد تاني اسمه سيدنا خيرت في بقعاء مكة وعشان محدش يهرب فسوا خف الناقه بتاعته .. الأربع اخفاف بصراحه .. فنامت الناقة .. ودخلوا بقى وقعدوا يتنططوا فوق الأثاث ويرقصوا بالسيوف ويحطموا الاشياء واستولوا طبعا على كل صرر الدنانير بتاعت التاجر الشريف ..
وخلعوا ..
وكما تشير مصادري التاريخية فابو جهل طلع ليلتها على حيي بن أخطب زعيم اليهود وقعدوا يحتسوا الجعه ويشربوا النبيذ ويقال ان كان في كبايات بتتدخن !! ودار حوار بينهم سجله التاريخ ..
-بقلك ايه يا حيي يا خويه !
-رقبتي لك يا ابا الحكم
-ان ابني الصغير "جهلول" واد مخلص قوي وجامد وجدع ويعجبك فكنت عايز من جلالتك كارت بس ولا حاجه عشان ادخله مدرسة عند الفرنجة والواحد مش ضامن عمره يعني ومكه مفهاش مخلوق ينفع يمسكها بعدي فالواد "جيمي" قصدي "جوجو" انت فاهم بقى ..
صورة شخصيه لجوجو فى المرفقات
(هذه القصه تاريخيه بحته وليست كوميديه وأي تشابه بينها وبين أي شخصيات واقعيه في أي عصر هو من قبيل الصدفة المحضه)
06-23-2007, 06:57 PM
الأشياء
المواضيع المتشابهه
العرض العادي
