يايبه لكم طبخه سويت سهله التحضير وحلوه المذاق في نفس الوقت وتتحضر في دقايق
المقادير:
- بسكوت قهوة الصباح
-حليب مركز
-زبدت لورباك
طريقه التحضير:
تذوبون الزبده وبعدها بتاخذون البسكوت بغطسونه في الزبد وتحطونه في البايروكس وتسون صفه وحده وعقب الصفه تاخذون حليب المركز وتحطونه فوقهم بكثره تحطون الحليب وبعد تردون تسون نفس الشي في البسكوت تحطونه فوق البسكوت القلبي وتصير عندكم صفتين((على راحتكم جم صفه تبون تسون .. انا اسويها اربع صفان )) عاد لا تنسون بين كل صفه والثانيه لازم تحطون الحليب.. لي اخر صفه تحطون الحليب بس تزيدونها على اخر شي .. وعقب ماتخلصون تحطونه في الفرن على شان يتحمر بس تحطون الحراره من فوق لي مايصير الطبقه اللي فوق حمره ((مو تتركونها وتمشون تيلسون على راسه .. لان بسرعه يتحمر الطبقه اللي فوق .. بس لا تحرقونها ههههه ))
وعقب طلعونها شوي لي ماتبرد وتقصصونه على شكل مربعات على شان تحطونه في طبق ثاااني .. عقب ماتخلصون وتحطونه في طبق ثاني تتركنه في الثلاجه لي مايبرد وعقب تــــاكلووونه صحه وعااافيه
بس مو زين حق اللي فيهم سكري لا يرتفع عليهم السكري وتقولووون ذبحتهم هههههههههههههههههه
وانشاءالله تعجبكم الوصفه لانها سهله وماتحتاج مقادير وااااايد
ابي اجوف تعليقاتكم اذا جربتوها ... ومشكورين
06-17-2007, 07:19 AM
طبخه ولا اسهل
المواضيع المتشابهه
العرض العادي
