صور فيديو العاب

**عبووووووووووودي** · 05-29-2007, 05:58 PM

*·~-.¸¸,.-~*السلام عليكم ورحمة الله وبركاته*·~-.¸¸,.-~*

===

اصعب سؤال هو اللي جوابه سؤال ؟

===

أصعب سؤال اللي جوابه للأسف مثله سؤال..

ماهو تفلسف إلا موقف صار وإسمع ثاني بيت..

البارحة يومه سأل وش ذكرك ذيك الليال?

كان الجواب بكل بساطه:من متى أصلآ نسيت!?

أدري بإن جمع الصعوبه والبساطه شئ خيال..

لكنها صارت كذا..واللي أهم إني دريت..

إن الحياة بفقد أحبابك إذا جف الوصال..

تعيشها لوتقتنع إنك خلاص أصبحت ميت..

ياصاحبي لوكل شئ يمر بالخاطر يقال..

ماكانت العبره تولجني إلامنك طريت..

شفني قدرت أحبس دموعي بس دمع القاف سال..

وياكبرها ساكت ولكن داخل أوراقي بكيت..

الحال في بعدك قسم بالله ماسميه حال..

أنوي على الضحكه وأحس كلي خطأ لأني نويت..

أتصور إني من رحلت أشوفك لجسمي ظلال..

لاشفته أمشي بأبتعد وأثره معي مهما مشيت..

مدام يعني في بحرك لفرحتي مليون جال..

وش فيه موجك ماركد قربت أموت ومارسيت..

يرضيك..ماعادت معي تفرق إذا جاءلك مجال..

لأني أقتنعت إنك نهايه وأني بأبطي مابديت..

صرت أعقد حجاجي أذا جابوك بأطراف الجدال..

وأنا قبل لاجابوا أسمك كني ميت ثم حييت..

تعبت أعيش الدور وأفتح للمعاذير الخيال..

وأتخيل إني جيت في بالك وبأنك أستحيت..

وترد لي كلك وله وتقول:كن البعد طال?!

ومن الفرح ماأعاتبك وأقول:ياخي مابغيت..

حتى وأنا أتخيل(نظرتك) لأن قلبي لايزال..

يكررأسمك داخل أعماقي بنبضه لاسهيت..

قلي شأسوي فيك وأنت بداخلي أصدق مثال..

للحب وإحساس القصيد إن عانق الليل وسريت..

ربي يصبرني على الفرقى مدام الحظ مال..

وأنت بيجي لك يوم تعرف في بعدك كم شكيت..

وإذا بلاك الله وعذبك إشتياقك بس تعال..

وأقرأ القصايد في غيابك كل أبوها بيت بيت..

وبتدري إن أصعب سؤال اللي يجي رده سؤال...

لاقلت لي.:وش ذكرك? ثم قلت لك:متى نسيت..

==--==--=-
-تحياتي =
-=--==--==

**الدلعبي (يرحمه الله)** · 05-30-2007, 11:32 AM

فعلا هو اصعب سؤال.....و لكن قد تاتي الاجابة بين السطور ....

**عبووووووووووودي** · 05-30-2007, 04:11 PM

اقتباس:

المشاركة الأصلية كتبت بواسطة الدلعبي

فعلا هو اصعب سؤال.....و لكن قد تاتي الاجابة بين السطور ....

اشكرك فعلا لردك الرائع

واشكرك لمتابعتك

مواضيعي

فتقبل تحياتي

ريناد · 08-10-2007, 06:50 PM

عبووووووووووودي
اعذريني ان لم اجد من الكلمات ما تجاري
روعة حروفك
ودقة وصفك
وصدقك
فسلمت يمينك اخي
ودمت بتألق

تحيـ ريناد ـاتــي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سؤال مهم	البلوز	منتدى نوكيا العام	0	03-08-2007 02:39 PM
سؤال على الماشى اللى مش هيرد هيتعرض لمساله قانونيه	marium	سوالف وحوارات عامة من حياتنا	22	01-31-2007 02:53 PM
اصعب سؤال	شاعر الرومانسية	شعر و شعراء - الشعر و الشعراء منتدى للقصيد و القصائد النبطي و الفصيح البوح	1	12-04-2006 12:03 AM
سوال مهم جدا جدا	stussy	منتدى طلبات برامج نوكيا	2	08-29-2006 05:21 PM
سؤال	نور البدر	منتدى الازياء - ازياء 2008 موضة فساتين اكسسوارات	1	08-15-2006 03:03 AM