وين أنت يا صوت ٍ جعل كل الأصوات
عقبه على نفسـي ثقيـل صداهـا ؟!
رغم الظروف القاسيـه والمسافـات
أرجيك لين الشمس يظهـر سناهـا !!
معك أقضي الساعات بـ حساب لحظات
ومع غيرك اللحظات تثقـل خطاهـا !!
ღ♥ღ
السهر // والجرح // الهم // والظنون ..
الأرق // والدمع // الشوق // والعذاب ..
كلها عندي لأجل عينك // تهون ..
إلا ذاك اللي يسمونه " .......... غياب " !
ღ♥ღ
تخيل يوم عانقني خيالك خاطري وش قال
تخيل قبل أسولف له سالني عنك وجداني
سألني لين خلاني مدينه هزها زلزال
تخيل ماهدا حتى لقاك بوسط شرياني
ღ♥ღ
من كثر ما أجيلك وأنا كلي إحساس ..
اشوف كل الناس قدامك دما !
ما أقول اشوفك وآتعيما عن الناس
أقول اشوف الناس واجيلك عما!
ღ♥ღ
" غرامك صار عنواني وانا قبلك بلا عنوان "
مثل من ضيع أوطانه وضاع وضيع أحبابـه
ألا ياحبي الأول كفانا مـا مضـى هجران
تعالي وارحمي قلب ٍ لـ غيرك ما فتـح بابـه !
ღ♥ღ
تعال اسكن مساحات الخفوق .. و ودع الترحال
تعال اشعل كلام الحب .. واخمد ثورة سكاتي
تعال وشيل من بالي .. هجوسٍ كنهن جبال
تعبت اخضع لـ هذا الانهزام .. وانكس راياتي
تعال وشوف " نّهام الحنايا " واسمع " اليا مال "
حزينٍ مثل .. دمعات اليتامى .. لـ انكساراتي .
ღ♥ღ
خذني على درب العشق نفحة زهور
أسكن خيالـك والمحـك فـ التفاتـي ..
خذني على وجه الشفق ضجة عطور
أنثر ودادك واكتبك فـي وصاتـي ..
خذني على صدر الغلا كتلة شعـور
آطا على حسنـك وألملـم رفاتـي ...
ღ♥ღ
تعال وسط الشوف وأجلـس فديتـك
ما من غريب بـ ديرهـ العيـن ويـاك
أما على كيفـك تجـي أو خذيتـك
غصب على مصافح وصالك ويمناك
هذا وأنـا ضايـع بـ دنيـاي لقيتـك
وشلون لو حاسب حسابي أبلقـاك ؟
!
ღ♥ღ
إن شكيتي صرت أنا والموت دونك 00
لو فديت العمر لك تستاهلينه 00
هي حلاة الحب كلهـ في جنونك 00
أو جنون الحب انتي تملكينه 00
يشهد اللهـ إني ما أحيا بدونك 00
ذا شعوري لك وليتك تفهمينه 00
ღ♥ღ
عشقتك مثل مايعشق شعوري .. ضحكة الاطفال
عشقتك مثل مايعشق طموحي .. لمس غاياتي
عشقتك مثل مايعشق جروحي .. صرخة الموال
عشقتك مثل ماتعشق عيوني .. حبس دمعاتي
عشقتك مثل مايعشق غرورك .. رغبهـ الاهمال
عشقتك مثل مايعشق خفوقي .. سجنك بـ ذاتي .
ღ♥ღ
" كم تمنيتك يتيمه وخافقي دار التبني ؟!
تسكني داخل ضلوعي وتستغيثي من هواها "
" كم تمنيتك ولايه واسكنك من صغر سني ؟!
واقصد بـ شعري دخيل العالم اللي في ذراها "
" كم تمنيتك وليتهـ ينفع اليوم التمني ؟!
كان شفت اللي يرد الروح لـ انفاسي لقاها "
05-24-2007, 08:22 AM
::: كـم تمـنيـتـكـ يتيــمه و خـافقـي دار التبنـي :::
العرض العادي
