انتي معي والا مع الوقت ضـدّي
يا جارحه قلبي جـروحٍ جديـده
مدري علامك مستمـره بصـدّي
ان كان لي ذنبٍ ذنوبـك عديـده
اتعبنـي المشـوار قيـدك بيـدّي
وش لون افكّه وانتي عني بعيـده
تمضي سنين العمر ترفض تهدّي
وانا مْتعلّق بيـن ضـدّ وضديـده
ياعايشه بالوهـم مـا كـان ودّي
اجرح شعورك او نزيفك ازيـده
اغراك من بالحب ماهوب قـدّي
ولا عنده اخلاصي لحبي الوحيده
الحب ماهو هـرج والاّ تحـدّي
ببعض الهدايا او بحلو القصيـده
الحب مالـه لا قيـاسٍ وحـدّي
شـيٍّ تحسـه داخلـك كالوقيـده
لو يبتعد حبّـك تحـسّ التـردّي
ولا من لقيته نشوتك بـه اكيـده
ردي عليّ الصوت يا كـل بـدّي
من لي بعدك اليوم قلبـي يريـده
لاتتركيني للزمن صـار ضـدّي
يا ما دهانـي بالغـدر والمكيـده
نبضي:عروق القلب تنزف بجدّي
الى متى تنزف وحالـي شديـده
وانتي تعيشي بحلم جزرٍ ومـدّي
صدقتـي الخـادع بكذبـه بليـده
وأنا احبّك غصب ماهـو بيـدّي
مقدرعلى هجرك وربـي شهيـده
لو ما احبّك ليـه بيّحـت سـدّي
واكشف لك الخافي واكرر واعيده
ردي علـيّ الصـوت بالله ردّي
من قبل ما روحي تفارق شهيـده
05-14-2007, 12:08 AM
الــوقــتـ ضــديــ
العرض العادي
