جمعاوي بيه و ال100 ألف جنيه

kemo&antemo · 05-10-2007, 09:43 AM

أهلا بيكم يا شباب وحشتوني والله معلهش الواحد بقالو كتير مبيسألش عليكم علشان مشغولين شويتين فى الدارسه الامتحنات قربت بقه ولازم اشد حيلى لحد ما ينقطع والنتيجه معروفهولازم اشغل دماغى ببقه انا سنفرتها و أخدتلها وش دوكو علي السريع ....خليكوا معايا لحظة علشان الظاهر إن في رسالة علي الموبايل أكيد من (موبينيل) هو أنا فيه حد غيرهم بيبعتلي رسايل ... ولاد حلال بجد كل شهر يبعتولي رسالة بالإنجليزي آل إيه بيطمنوا علي صحتي و الحروف مفرطة آل يعني مش هفهم لو كتبوها مشبك ( لما نشوف بعتين إيه المرة دي) ... إيه ده أنا مش مصدق عنيا معقولة الرسالة دي ليا أنا لألأ .. أكيد فيه حاجة غلط .. أنا إللي طول عمرها منحسة معايا..إللي مشيلتش في جيبي أكتر من خمسة جنيه وربع بتوع الحلاقة .. معقول أكسب 100 .... ألف .... جنيه (يجري مسرعا نحو البلكونة) و ينادي قائلا : خلاص الوداع يا فقر .. ولا يا حسين قول ورايا الوداع يا فقر ..يا أم أحمد صحي أحمد و قوليلو الوداع يا فقر... جمعاوي طلع علي وش الدنيا يا بشر .. سلامي لكل الأسرمتوسطة و محدودة الدخل

أنت يا بتاع العصير أسقي كل الشارع عصير علي حسابي ووزع علي كل واحد كباية من ام نص جنيه و انت يا بتاع النور

بتاع النور: إيه حتدفعوا المرة دي و للا حتاخد الكعب زي كل مرة؟؟؟

جمعاوي: طب بالعند فيك هات كل الفواتير بتاعت الشارع .. يا جماعة النور الشهر ده علي حساب أخوكم جمعاوي بيه

( ثم دخل إلي الشقة)

أمه: و النبي يا أبني أنت إبن حلال و تستاهل كل خير .. و الفلوس دي جت لك بس علشان حاجتين طيبة قلبك و قلبك الطيب

جمعاوي : إللي بيعجبني فيكي يا ماما إنك علطول فهماني .. عاوزة إيه بقي يا ست الحبايب في عيد الأم

أمه : (بصوت شاعري حزين) كفاية عليا أشوفك سعيد يا إبني يا جمعاوي .. أنا نفسي بس يا حبيبي أحج بالطيارة

جمعاوي : عنيا ليكي يا ست الحبايب بس ده مش موسم الحج إيه رأيك نسخن بعمرة و بالطيارة برضه و للا أقولك بلاش بالطيارة علشان أنفلونزا الطيور.. و أنت يا حاج أبو جمعاوي منفسكش في حاجة ؟؟؟

أبوه : (بصوت مليان عطف وحنية) أنا أهم حاجة عندي أشوفك سعيد يا حبيبي .. إيدك علي 15 ألف جنيه و أوعدك إني من النهاردة عمري ما هاسألك رايح فين وجاي منين و لو أتجدعنت وزودتهم بخمس بواكي أوعدك مطلعشي من البيت إلا بإذنك

جمعاوي : و أنت يا قرد يا صغير مش عايز حاجة أنت أخو البيه ولازم ينوبك من الحب جانب

اخوه : أنا يا كمحاوي نفثي في محلول 6610 إللي بيصور

جمعاوي : و حتعمل بيه إيه ده؟؟؟؟

اخوه : حزاول بيه البنات إللي في الحضانة معايا .. يعني حبة إنحلاف علي الماشي

جمعاوي : ماشي يا سيدي حاضر .... ها و أنتوا ياللي قاعدين علي النت دلوقتي منفسكوش في حاجة ... إيه يا جماعة هو مفيش حد قاعد وللا إيه .... يعني أنا قاعد الفترة دي كلها بكلم نفسي زي المجنون ... المهم أنا عايز إللي قاعد دلوقتي يرد عليا و يقوللي لو معاك 100 ألف جنيه حتعمل بيهم إيه أنا في مشكلة و محتار بجد ... يعني أشتري بيهم شقة و للا أحطهم في بنك فيصل و للا أعمل إيه بالظبط ...فعلا الواحد كان مرتاح من غير المبلغ ده ..أيوة أنا كنت مقضيها و مش لاقي و باخد مصروفي بالتيلة بس كنت مرتاح .. إيه الحيرة دي يا رب يا ريتني ما كسبتهم ( و مكملش كلمته من هنا إلا وجت له رسالة يا تري من مين ؟؟؟؟؟؟؟)

جمعاوي : إيه ده رسالة تاني ؟؟ فلوس تاني ؟؟ لا كفاية أنا عارف أتصرف في المية الأولي ... استنوا كدة .. دي مش من موبينيل .. دي من الولا عمرو .. عايز إيه ده ؟؟ [ ألف مبروك علي المقلب السخن يا جوجو مع تحيات شلة الأنس وأوعي تنسي لما توصلك الفلوس أبقي أصرفها في الخير هاهاهاهاها]

( صوت إرتطام قوي ) ....

الظاهر إن جمعاوي أغمن عليه

Mouttaz · 05-10-2007, 10:54 AM

مشكووووووووور
6610 الي يصور؟؟؟؟

kemo&antemo · 05-10-2007, 11:33 AM

شكرا على المرور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هى ايه حكاية الربع جنيه؟؟؟!!!!!	marium	منتدى المواضيع المكررة	7	04-12-2008 07:53 PM
لعملاء موبينيل اشحن رصيدك ببلاش كود كارت ال100 جنيه	kokolove2010	منتدى نوكيا العام	2	05-23-2007 02:36 PM
يوميات جمعاوي مذاكر جدا	kemo&antemo	ضحكتك بالدنيا ترفية ضحك دعابة لعب تعليق فرفشة تماسيح سحالي	2	04-22-2007 02:12 AM
جمعاوي اتجنن يا رجالة!!	kemo&antemo	منتدى المواضيع المكررة	3	04-20-2007 08:50 AM
مسابقة المليون جنيه	AHMED_WASEFY	طريق الأسلام	4	09-15-2006 12:53 AM