يا سلام لو كان عندك تقوّس في رجلك أو كان عندك عاهة مستديمة يبقى يا بختك حتفلت من الجيش وهيتكتبلك عمر جديد .. ويا ويلك يا سواد ليلك لو كانت صحتك مسعداك وعندك ترابيس ومجانس وعضلاتك منفخّه يبقى ساعتها مش حتدخل الجيش وبس أنت كمان ممكن يخدوك صاعقه وساعتها هتبقى وقعتك طين شوكي وحتاكل تعابين وسحالي وهتحبس بمية المجارى.



للأسف هوه ده الإنطباع اللى موجود عند 99% من شباب الجامعه عن الجيش .. وتخيلوا يا شباب لو إن دخول الجيش كان اختياري مكنتش حتلاقي في الجيش أكتر من أتنين تلاتة.

طب ليه أمنية أي شاب مصري بعد ما يتخرج إنه يفلت من الجيش؟ يمكن عشان حتضيع سنه من عمره فشوش (أو 3سنين لو ماما كانت دعت عليه)! ..



أنا مش هتفزلك واعمل أحمد عرابي ولا حعيش عليكو دور مصر هيه أمي .. أنا أول واحد فيكم نفسه لما يتخرج من الجامعه بالسلامه يفلت من الجيش لكن الحقيقة إن مفيش حد أحسن من حد .. وزميلنا اللي حيدخل الجيش حيطلع منه حيلاقينا لسه بندوّر على شغل (ده على افتراض إن احنا مش دخلين)

ولو سألت أي شاب مصري إيه أصعب يوم مرّ عليك حيرد ويقول يوم الإرجاء وهو اليوم اللي حتعرف فيه موقفك من التجنيد.

أحمد ابن خالتي وهو أحد الناجين من الجيش حكالي عن اليوم ده وقال:

في البداية يا كابتن جمعاوى هتروح منطقة التجنيد اللى أنت تبعها وحتشترى من هناك ورق كتير ملهوش أى لازمه هتشتريه باليمين وحترميه بالشمال .. وبعد كده هتيجى اللحظة الحاسمة .. حتعلن نتيجة القرعة واللي منها حتعرف مصيرك وحيحصل حاجه من التنين :

1- إما انك تفلت وبكده هتحس إنك اتولدت من جديد

2- أوحتلبس ظابط أو مجند وساعتها يا أبو الرجالة حتقول يا رتني كنت نفيسه أو تفيده .. يا رتني لبست جيبه وطرحه .. ولو عاوز تفلت يا حلو .. حيبقى قدامك حل واحد .. إنّك تضربلك شهادة مزوره .. وساعتها حتلاقي نفسك مشرّف في التخشيبة وتامر حسنى على إيدك اليمين وهيثم شاكر على إيدك الشمال وأنتوا التلاته هتغنوا ظلموه (انتهى كلام ابن خالتى)

واحد صاحبي لاسع قال انه أكتشف الحل اللي يخلى الواحد مننا يبقى مستني اللحظة اللي حيدخل فيها الجيش ولما يدخل حيبقى مش عاوز يطلع.

صاحبى اللاسع قال: بما إن المرأة نص المجتمع .. وزى ما البنات في مصر عايزين حقهم تالت ومتلت .. يبقى لازم يدخلوا الجيش وزيهم زينا .. وقتها هتلاقينا لاجئين في الجيش ومش حنطلع منه ولا بالطبل البلدي !!!

يسلمووووووووو


ننتظر جديدك



تحياتي

غروب الشمس

يسلموووووو

على الموضوع

شكرا على المرور