وقفت عند جهاز الصراف .. وسحبت فلوس .. وانتظرت البطاقة .. انتظرت البطاقة .. ما طلعت !!
التفت يمين ويسار .. و" أشوووت " الآلة ..
لكن ما طلعت البطاقة !
سويت نفسي ماشفت الكاميرٍآ .. وسويت روحي ماشي .. ورجعت فجأة ..
لكن البطاقة ما طلعت !!
أخيرا .. استسلمت للواقع .. ومشيت !
بعد يوم .. رحت للبنك وقلت له : ياخي المكينة سحبت بطاقة الصراف .. وش أسوي ؟!
قال : ما لك إلا تنتظر حتى يجيبون البطاقة من مكاين الصراف .. يعني تعال بعد يومين أو ثلاثة ..
بعد ثلاثة أيام .. طلعت للبنك .. وسألت عن البطاقة .. ودوّر عليها ماحصلها .. قال : يمكن أرسلوها للمركز الرئيسي .. تعال بعد يومين حتى يحولونها لفـرٍعنآ ..
بعد يومين .. جيت .. قال : أبشرك .. وصلت مجموعة بطاقات أكيد بطاقتك معهم .. وجلس يدوّر .. لكن ما حصل شي ! .. ودوّر مرة ثانية .. لكن ما لقى شي !!
: ياهــووة وين بطاقتي ؟! ..
: ما أدري .. ما لقيتها هنا !
: وش الحل ؟
: مالك إلا تجي بعد يومين .. يمكن تأخّرت شوي ..
ورجعت لهم بعد يومين .. ودوّرنا .. لكن ما حصلنا شي !
أخيراً قال : مالك إلا تقدّم على بطاقة جديدة ..
قلت : الشكوى لله ..
وعطاني النموذج التعبئه ، وقال لي : عطني بطاقة الأحوال لو سمحت ..
يوم طلّعت بطاقة الأحوال وإلا بطاقة الصراف بجنبها .. !!
أصلا .. الجهاز ما سحب البطاقة .. !
ويا شين " الهواجيس " بــس .. !!
....
.. ( شارك .. ترى المواقف ما تخلص ! )
04-26-2007, 12:19 AM
فــــــن الغباء
المواضيع المتشابهه
العرض العادي
