ممنوع
الحزن من حزنى انا موجوع
والفرح عندى بيتولد بين الدموع
ولا الامل .... ياه ع الامل
هوا الشروق ... وف عتمة الليل الحزين هوا الشموع
باصرخ ف صمتى وكتمتى
باصرخ ف خوفى ودمعتى
لا الصوت بيوصل ولا حتى صداه مسموع
فوق العينين.. لون الالم مطبوع
والشفتين اتشققوا م الجرح
وانتشقوا ع الميه وانتشقوا ع الفرح
رد الزمان ممنوع
رد الزماالحزن من حزنى انا موجوع
والفرح عندى بيتولد بين الدموع
ولا الامل .... ياه ع الامل
هوا الشروق ... وف عتمة الليل الحزين هوا الشموع
باصرخ ف صمتى وكتمتى
باصرخ ف خوفى ودمعتى
لا الصوت بيوصل ولا حتى صداه مسموع
فوق العينين.. لون الالم مطبوع
والشفتين اتشققوا م الجرح
وانتشقوا ع الميه وانتشقوا ع الفرح
رد الزمان ممنوع
اما الايدين.. اه ع الايدين
كلوا وملوا من القرف...
رفعوا الرايات البيضا وبكل انكسار
تكتب مواثيق الهزيمة وبدمها مطبوع
لكن ف عز الحزن ..ما بياكل السمان الخير
ينزل يحش السنابل .. يقتل سواد ليله البلابل
باسمع بقلبى زقزقة طيرى المهاجر
يمكن يعود..... اه يمك يعود
يرسم خريطتى .. يخط من تانى الحدود
يمكن يعود ...
يحرر مدينتى .. وتتمحى.. وتنكسر بينا القيود
يمكن يعود
يقتل جيوش الحزن فرحه
يمحى رجوعه وفرحتى جرحى وجرحه
يحمى فدادين الخضار
يرسم بطلة خطوته ضوء النهار
نسمع بلابل فرحنا.. نغرد كما كل الطيور
يجبر بايده كسرتى .... يمسح بايده دمعتى
يفك الحصار... يشيل الغبار
يدخل بخيل الفرح وف قلب المدينة...
يمسح شخابيط الغبار
تلقانى مستنى العمار
وعلم الهوى فوق جبهتى مرفوع
باحلم يا ناس من كتمتى
باحلم بطيرى ودنيتى
......بحلم يا ناس .....
والحلم مش ممنوع
والحلم مش ممنوع

رووووووووعه يسلم ايدينك الله لايحرمنا جديدك

بالتوفيق والى الامام