ديرة الغربه

الله يسامحك على كل ما جاني .. القلب

لعيونك الثنتين أعذر به

والا طموحي في راسي واسأل امتاني ..

اكبر من اللي على شرواك أجاهر به

تذكرني ايام سعدي واتناساني ..

في الضيق والهم واللوعات والكربه

تدري وش الغربه اني داخل اوطاني ..

واعيش مثل الغريب بديرة الغربه

لا تعتذر عذر ما يقنع على شاني

.. وان كان به عذر تكفى لا تعذر به

لكن تذكر بان ابن آدم ٍ ثاني ..

والكبر صاحبه له يوم يحدر به

في الحب ساير تعيش الحب وحداني ..

وتحارب الناس عقلك ما تفكر به

الاول اللي يعاني مثل ما اعاني ..

واليا شعرت الذي بالشوق يشعر به

واللي خفوقي على شوفته طرباني ..

كل الدروب العفيفه تطمح لدربه

ليه وأتحداك لا قمت اتحداني ..

وانا مكاني على النجمات افاخر به