قصيدة مختاره بعنوان بشويش واشنطن
الله بدار عز ما مرها بلير
ولا حط فيها بوش رجله وراسه
ديرة هل التوحيد من خير في خير
ولا قد فيها يوم صارت خساسه
فيها يشع النور ويغرد الطير
في ظل أمن صار يدرس دراسه
مافيه حزب ولا كيانات تنصير
بس المساجد في وقار وقداسه
ولا فيه لا رشوه ولا فيه تزوير
ولافيه سلب أموال ولا بلاسه
ولافيه راية فحش والها مداوير
ولافيه هتك أعراض ولا نجاسه
اليا فضينا العصر رحنا مسايير
أقرب رفيق لك على الطيب ساسه
تلقى بداره كل حشمه وتقدير
عنك البلا والجور لا احتجت داسه
ولا قد سمعنا كبح لجماح تعبير
آرائنا فيها نبوغ وكياسه
دايم نعبر بالورق والقرانير
كلش نخشه غير دار السياسه
ماهو بداعي خوف حنا مغاوير
لكن بدافع ليش هذي سياسه
بشويش واشنطن ترى وضعنا غير
فينا يموت الطفل طيب وحماسه
حنا لدرب الموت نمشي طوابير
شعب بذكر الله يشتد باسه
حذرا تطبين أرضنا بأي تبرير
دمار شامل أو دعاوي حراسه
تشاوروا يابوش ويا توني بلير
قبل أي فكرة غزو ولا دراسه
تقبلو مني كل الحب ولاحترام دمتم لي جميعا بصحة وسعادة