هل تعرف سبب تسميه الكليجاء بهذا الاسم
كان ياما كان فيه مزارع في احد مدن منطقة القصيم الحبيبه واسمه سليمان
عنده مزرعة كلها كوسة وحبحر وجح وعنده حمار وحصان
وزوجته وبنته
وكان هالمزارع كريم لابعد درجه ولا كان يطبخون إلا وجبه وحده باليوم اللي هي الغدا وبس
والصبح ياكلون تمر ويشربون دله قهوه وشوي شاهي وخبز إن حصل
وبعدين يطلع السلمي للمزرعه
ومثلك عارف البنت تجوع وماله داعي بدون فطور
أمها اذا طلع السلمي تسوي قرص لبنتها الكلام هذا قبل يطلع اسم الكليجاء
واذا خلصت مسويته تجيبه بسرعه للبنت وتقول
كليه جا أبوك كليه جا أبوك
علشان مايطقها اذا شافها تاكله
منيره تراقب لا يجي السلمي ويطقهم
ومع الأيام وسرعه الكلام صارت تقول
كلي جابوك كلي جابوك
ومع الايام برضه
اختصرت الكلام وصارت تقول
كلي جا كلي جا
وصار اسمه كليجا